دعاء‏ ‏السيد‏: ‏إحنا‏ ‏بنعافر‏ ‏لنثبت‏ ‏وجودنا

عاوزة‏ ‏أقول‏ ‏إن‏ ‏مفيش‏ ‏شخص‏ ‏معاق‏ ‏لكن‏ ‏فيه‏ ‏مجتمع‏ ‏يعيق‏ ‏احنا‏ ‏مانستاهلش‏ ‏نظرات‏ ‏الشفقة‏ ‏من‏ ‏بعض‏ ‏الناس‏ ‏احنا‏ ‏بنعافر‏ ‏عشان‏ ‏نوصل‏ ‏ونثبت‏ ‏أننا‏ ‏موجودين‏ ‏بهذه‏ ‏العبارة‏ ‏بدأت‏ ‏دعاء‏ ‏حديثها‏ ‏معي‏, ‏فهي‏ ‏شابة‏ ‏لديها‏ ‏موهبة‏ ‏فنية‏ ‏متميزة‏ ‏وهي‏ ‏من‏ ‏ذوي‏ ‏الإعاقة‏ ‏الحركية‏ ‏وتحدث‏ ‏الكثير‏ ‏من‏ ‏الصعوبات‏ ‏والعقبات‏ ‏خلال‏ ‏حياتها‏, ‏وبالرغم‏ ‏من‏ ‏العديد‏ ‏من‏ ‏الحباطات‏ ‏خاصة‏ ‏في‏ ‏ظل‏ ‏الأجواء‏ ‏التي‏ ‏فرضها‏ ‏الفيروس‏ ‏كورونا‏ ‏المستجد‏ ‏علي‏ ‏المجتمع‏ ‏والعالم‏ ‏كله‏, ‏إلا‏ ‏أنها‏ ‏تحاول‏ ‏أن‏ ‏تقدم‏ ‏موهبتها‏ ‏وفنها‏ ‏من‏ ‏خلال‏ ‏مواقع‏ ‏التواصل‏ ‏الاجتماعي‏ ‏وشبكة‏ ‏الإنترنت‏ ‏فهي‏ ‏لم‏ ‏تتوقف‏ ‏عن‏ ‏تنمية‏ ‏موهبتها‏, ‏تحدثنا‏ ‏مع‏ ‏داء‏ ‏لنتعرف‏ ‏أكثر‏ ‏علي‏ ‏موهبتها‏ ‏والعقبات‏ ‏التي‏ ‏اعترضتها‏, ‏وما‏ ‏هي‏ ‏الرسالة‏ ‏التي‏ ‏تود‏ ‏أن‏ ‏تصل‏ ‏إلي‏ ‏المجتمع‏.‏
دعاء‏ ‏السيد‏ ‏عيد‏, ‏قالت‏: ‏أنا‏ ‏فتاة‏ ‏من‏ ‏قرية‏ ‏بهناي‏ ‏الباجور‏ ‏بمحافظة‏ ‏المنوفية‏, ‏عندي‏ 30 ‏سنة‏ ‏أتولدت‏ ‏طفلة‏ ‏طبيعية‏ ‏وكنت‏ ‏بمشي‏ ‏عادي‏ ‏لما‏ ‏أصبح‏ ‏عمري‏ 3 ‏سنوات‏ ‏بدأت‏ ‏أتعب‏, ‏وأسرتي‏ ‏لفت‏ ‏بيا‏ ‏عند‏ ‏الدكاترة‏ ‏كتير‏ ‏وعملت‏ ‏عملية‏ ‏وللأسف‏ ‏مجابتش‏ ‏أي‏ ‏نتيجة‏ ‏ولا‏ ‏حد‏ ‏اكتشف‏ ‏عندي‏ ‏إيه‏, ‏وبعدها‏ ‏وأنا‏ ‏في‏ ‏المرحلة‏ ‏الابتدائية‏ ‏كنت‏ ‏بتحرك‏ ‏بالعكاكيز‏ ‏لغاية‏ ‏الإعدادي‏ ‏وبعد‏ ‏كده‏ ‏الحالة‏ ‏ساءت‏ ‏أكتر‏ ‏ومبقتش‏ ‏أقدر‏ ‏أمشي‏ ‏ولا‏ ‏أقف‏ ‏علي‏ ‏رجلي‏ ‏واستخدم‏ ‏العكاكيز‏, ‏بعدها‏ ‏عملت‏ ‏علاج‏ ‏طبيعي‏ ‏ودكاترة‏ ‏تاني‏ ‏لكن‏ ‏للأسف‏ ‏من‏ ‏غير‏ ‏أي‏ ‏فائدة‏ ‏وعند‏ ‏دخولي‏ ‏المرحلة‏ ‏الثانوية‏ ‏جلست‏ ‏علي‏ ‏الكرسي‏ ‏المتحرك‏, ‏وماما‏ ‏كانت‏ ‏توديني‏ ‏المدرسة‏ ‏والدروس‏, ‏دخلت‏ ‏الثانوي‏ ‏وكان‏ ‏حلمي‏ ‏أكمل‏ ‏تعليمي‏ ‏وألتحق‏ ‏بكلية‏ ‏الفنون‏ ‏الجميلة‏ ‏ساعتها‏ ‏عرفت‏ ‏من‏ ‏أسرتي‏ ‏أنه‏ ‏في‏ ‏صعوبة‏ ‏أكمل‏ ‏الجامعة‏ ‏فمبقتش‏ ‏أذاكر‏ ‏وأضيع‏ ‏الوقت‏ ‏في‏ ‏الشخبطة‏ ‏وارسم‏ ‏علي‏ ‏المذكرات‏ ‏وخلصت‏ ‏الثانوي‏ ‏وجلست‏ ‏في‏ ‏البيت‏ ‏من‏ ‏غير‏ ‏خروج‏ ‏نهائي‏, ‏كان‏ ‏الفراغ‏ ‏بيقتلني‏ ‏فكنت‏ ‏بشخبط‏ ‏وبرسم‏ ‏أي‏ ‏حاجة‏ ‏لغاية‏ ‏ماعملت‏ ‏لوحة‏ ‏مدرسية‏ ‏لأخويا‏ ‏في‏ ‏المدرسة‏ ‏عجبت‏ ‏جميع‏ ‏المدرسين‏, ‏وأنبهروا‏ ‏بيها‏ ‏وطلبوا‏ ‏إني‏ ‏أعمل‏ ‏لباقي‏ ‏التلاميذ‏ ‏فبقيت‏ ‏أكتب‏ ‏لوح‏ ‏للمدارس‏ ‏وارسم‏ ‏مواضيع‏ ‏ليهم‏, ‏وبعد‏ ‏كام‏ ‏سنة‏ ‏من‏ ‏الحبسة‏ ‏رحت‏ ‏للدكاترة‏ ‏تاني‏ ‏واكتشفوا‏ ‏أن‏ ‏عندي‏ ‏ضمور‏ ‏في‏ ‏العضلات‏ ‏وأن‏ ‏المرض‏ ‏سيلازمني‏ ‏طوال‏ ‏حياتي‏.. ‏طبعا‏ ‏مريت‏ ‏بمرحلة‏ ‏من‏ ‏اليأس‏ ‏والحزن‏ ‏والألم‏ ‏خاصة‏ ‏عندما‏ ‏علمت‏ ‏أنه‏ ‏مرض‏ ‏ضمور‏ ‏العضلات‏ ‏وأن‏ ‏نسبة‏ ‏الشفاء‏ ‏منه‏ ‏تعتبر‏ ‏منعدمة‏ ‏وأن‏ ‏الكرسي‏ ‏سيبقي‏ ‏رفيقي‏ ‏طول‏ ‏عمري‏…. ‏ولكني‏ ‏تخطيت‏ ‏هذه‏ ‏المرحلة‏ ‏بإيماني‏ ‏بالله‏ ‏ورضايا‏ ‏بقضاءه‏ ‏وبدأت‏ ‏مرحلة‏ ‏التحدي‏ ‏والإصرار‏ ‏والإرادة‏ ‏وأن‏ ‏أعافر‏ ‏واتحدي‏ ‏أي‏ ‏ظروف‏, ‏وأني‏ ‏أواجه‏ ‏المجتمع‏ ‏وأن‏ ‏مفيش‏ ‏حاجة‏ ‏اسمها‏ ‏مستحيل‏ ‏وأني‏ ‏واصل‏ ‏لكل‏ ‏إللي‏ ‏بتمناه‏ ‏واحققه‏.. ‏والحقيقة‏ ‏أن‏ ‏بطلة‏ ‏هذه‏ ‏الحكاية‏ ‏كانت‏ ‏ومازالت‏ ‏أمي‏ ‏رمز‏ ‏العطاء‏ ‏والحب‏ ‏والتضحية‏ ‏هي‏ ‏الوحيدة‏ ‏إللي‏ ‏لا‏ ‏أقدر‏ ‏أشكرها‏ ‏ولا‏ ‏أرد‏ ‏واحد‏ ‏علي‏ ‏عشرة‏ ‏من‏ ‏إللي‏ ‏عملته‏ ‏معايا‏ ‏وكفاية‏.‏
وأستطرت‏ ‏دعاء‏: ‏عانيت‏ ‏كتير‏ ‏وتعبت‏ ‏كتير‏ ‏لكن‏ ‏كل‏ ‏مرة‏ ‏بكون‏ ‏أقوي‏ ‏وأتحدي‏ ‏أي‏ ‏ألم‏ ‏أو‏ ‏يأس‏ ‏ومن‏ ‏حوالي‏ 3 ‏سنوات‏ ‏بالضبط‏ ‏تعرفت‏ ‏علي‏ ‏صديق‏ ‏والدي‏ ‏أستاذي‏ ‏ومعلمي‏ ‏يونس‏ ‏عاشور‏ ‏وهو‏ ‏مثلي‏ ‏الأعلي‏ ‏ولع‏ ‏الفضل‏ ‏بعد‏ ‏ربنا‏ ‏في‏ ‏إللي‏ ‏وصلتله‏, ‏هو‏ ‏بدأ‏ ‏يعلمني‏ ‏أسس‏ ‏وقواعد‏ ‏الخط‏ ‏وازاي‏ ‏أكتب‏ ‏بالبوص‏ ‏والحبر‏ ‏وعلمني‏ ‏خط‏ ‏الرقعة‏ ‏والنسخ‏ ‏والديواني‏ ‏وكملت‏ ‏في‏ ‏حلمي‏ ‏وموهبتي‏ ‏وشاركت‏ ‏في‏ ‏مسابقة‏ ‏رسم‏ ‏وأخذت‏ ‏المركز‏ ‏الأول‏ ‏علي‏ ‏مستوي‏ ‏محافظة‏ ‏المنوفية‏, ‏وشاركت‏ ‏في‏ ‏مؤسسة‏ ‏أولادنا‏ ‏في‏ ‏الملتقي‏ ‏الأول‏ ‏والثاني‏ ‏لذوي‏ ‏القدرات‏ ‏الخاصة‏ ‏تحت‏ ‏راية‏ ‏السيد‏ ‏الرئيس‏ ‏عبدالفتاح‏ ‏السيسي‏ ‏والذي‏ ‏شارك‏ ‏فيه‏ 37 ‏دولة‏ ‏وحضر‏ ‏نخبة‏ ‏كبيرة‏ ‏من‏ ‏الفنانين‏ ‏وحصلت‏ ‏علي‏ ‏شهادة‏ ‏تقدير‏, ‏وحاليا‏ ‏اتعلمت‏ ‏شغل‏ ‏هاند‏ ‏ميد‏ ‏كمان‏ ‏والديكوباج‏ ‏وبحبه‏ ‏جدا‏ ‏الحمد‏ ‏لله‏ ‏أنا‏ ‏وصلت‏ ‏للمستوي‏ ‏دا‏ ‏في‏ ‏الرسم‏ ‏وبحاول‏ ‏أطور‏ ‏نفسي‏ ‏آكتر‏ ‏وأكتر‏ ‏لحد‏ ‏ما‏ ‏في‏ ‏يومن‏ ‏إنشاء‏ ‏الله‏ ‏أوصل‏ ‏للعالمية‏.‏
وأضافت‏ ‏دعاء‏ ‏السيد‏: ‏عاوزة‏ ‏أقول‏ ‏لأي‏ ‏حد‏ ‏بيمر‏ ‏بظروف‏ ‏صعبة‏ ‏استعين‏ ‏بالله‏ ‏دايما‏ ‏وأوعي‏ ‏تستسلم‏ ‏للظروف‏ ‏انت‏ ‏قدها‏ ‏وانت‏ ‏تقدر‏, ‏عافر‏ ‏لحد‏ ‏ما‏ ‏تحقق‏ ‏عدفك‏ ‏وأوعي‏ ‏تعيش‏ ‏كده‏ ‏وخلاص‏ ‏ولو‏ ‏حاجة‏ ‏راحت‏ ‏منك‏ ‏أكيد‏ ‏عندك‏ ‏حاجات‏ ‏تستاهل‏ ‏علشانها‏ ‏تعيش‏ ‏وتأكد‏ ‏أن‏ ‏ربنا‏ ‏هيعوضك‏ ‏عنها‏ ‏أضعاف‏ ‏الحاجة‏ ‏إللي‏ ‏خسرتها‏.‏

التعليقات