فرصة، وإن كانت كارثة: “إجتاح العالم ڤيروس”؛
حرب شنها شرسة: الخوف وعلاجه ميؤوس؛
وخاصمنا سنة وحشة، كنا فاكرينها تدوس:
على كل مشاكلنا؛ تكتب فى أحلامنا قاموس؛
وتخش علينا بكورونا، وحظر كبت كابوس؛
ونسمع إللى يوعُّونا: إعلام، شيوخ وقسوس،
بإنصات للحكومة، ونعمة الله فى الرؤوس:
“خليك فى البيت”، حفَّظونا؛ يِدُّونا عليها فلوس؛
لأجل حياتنا وصحتنا؛ خدنا من الدول دروس؛
من الصين وكل أوروبا، أمريكا، آسيا والروس؛
وحانت إثبات قاعدة، متبارك شعب القدوس؛
نوَّرت لمة بيوتنا، بممارسة طقوس:
الترابط والعبادة، خوفك بقى مغروس،
فى قلوبنا بالسعادة، بقى الوبأ متعوس،
فى إلتزامنا بالإبادة: “لا نسلم ولا نبوس”،
والنظافة بزيادة، ووجود الحب فى النفوس.