رحلة حياتنا فيها كتير من العلاقات
فيها الأصلي وفيها الفالصو
فيها المتين وفيها الضعيف
فيها إللي بيمدنا بطاقه وفيها إللي بيهدر مننا طاقتنا
فيها الصادق وفيها المستعار
فيها المحب وفيها الكاره
فيها الداعم وفيها إللي بيهدم
فيها المتقبل وفيها الناقد
حياتنا محاطه بعلاقات من أنواع مختلفه
أوقات مش بنفلتر علاقاتنا..
أوقات بنحط كل العلاقات تحت بند أصدقاء أو أعزاء..
وده بيعود علينا مع مرور الوقت بوجع وبألم نفسي..
لان العلاقه الصحيه بتكون متبادله..
متبادله يعني زي مانا حاسس.. ألاقي شعور مقابل مماثل..
متبادله يعني في خط رفيع رابط الطرفين ببعض.. الخط ده بيقوي ويزداد متانه ببذل مجهود من الطرفين..
وبلاش مبدأ إللي باعنا خسر دلعنا..
هو مبيكونوش بيع.. بيكون الشخص اللي ادتيله حجم اكبر من قدرته واكبر مما يستحق..
بلاش مبدأ هتعامل بالمثل..
كونوا نفسكم في علاقاتكم..
كونوا الفعل وليس رد فعل..
كونوا الأفضل.. كونوا الحق.. كونوا الاصل..
محتاجين إيه عشان نقدر نحقق إللي ربنا وجهنا ليه ده؟
محتاجين نتصالح مع نفسنا
محتاجين وضع كل واحد في المكان الذي يستحقه ..
محتاجين نوجد الاعذار.
محتاجين نصحح مفهوم العتاب عشان أوقات بيكون مالوش لازمه.. او مش بينتهي بنتيجه إيجابيه..
محتاجين نقلل من توقعاتنا.. إحنا مختلفين ومنظورنا مختلف للأمور..
محتاجين نحاول نفهم دوافع الطرف الآخر.. يمكن ده يساعدنا في بند من البنود إللي فوق..
وأخيرا محتاجين نعيش في سلام ونمضي في سلام ..
كلنا محتاجين السلام والطمأنينه.. كل ما كانت علاقاتنا هادئه كل ما كان السلام النفسي متوافر.. كل ما كان التفويض لله في المشاكل.. كل ما كان القدره على التسامح متوفره..
بيقين يا جماعه من القلب..
إرتقوا بأنفسكم وأنجوا بيها سليمه صحيه الي إن تعود لمستقرها.. هادئه مطمئنه قويه ..