قال الرئيس عبد الفتاح السيسي، منذ قليل، خلال تهنئته بالعيد بكاتدرائية ميلاد المسيح :” كل سنة و أنتم طيبين و بسلام، الحقيقة استقبال جميل و اننا نحب بعض بهذه الصورة أمر جميل”.
وأضاف الرئيس: “زي ما اتعودنا فالاعياد و بداية كل سنة نعيد معاكم في عيد الميلاد المجيد.. كل سنة و أنتم طيبين، سنة سعيدة علينا كلنا”.
وتابع السيسي، قائلا:”دايما نخلى بالنا من علاقتنا ببعض، إذا كنتم بتحبوا ربنا حبوا بعضكم، متخلوش حد أبدا يدخل بنا، البلد دي كلنا فيها واحد، وحنفضل واحد، مصر بلدنا كلنا زي بعض”.
واختتم الرئيس:” مش عايزكم تقلقوا أبدا طول ما احنا مع بعض، مفيش مجال للقلق، محدش يقدر يعمل أي حاجة طول ما احنا واحد في بلدنا، احنا قادرين بفضل الله ان ربنا يلهمنا الصدق و البصيرة ونتعامل بشرف في زمن لا يوجد فيه شرف” .
و في نهاية زيارة الرئيس السيسي الكاتدرائية، قدم لقداسة البابا تواضروس الثاني باقة من الورود البيضاء رمز المحبة و السلام.
وقال الرئيس: اتمنى ان يصل من هنا لكل فرد وردة في العيد و رد الشعب القبطي “بنحبك يا ريس.. بنحبك يا ريس”.