تداول رواد مواقع التواصل الإجتماعي “فيس بوك” و”تويتر” مقطع فيديو وصور لمجموعة من الطلاب المصريين بكلية هندسة جامعة القاهرة , وهم يفوزون بكأس العالم في مجال ريادة الأعمال الإجتماعية “ايناكتس” ضمن مسابقة لمنظمة طلابية عالمية , تضم ٣٥ بلد حول العالم .
وقدم صاحب الفيديو والصور شرح للمسابقة ، حيث كتب محممود عدلى “بوست مصاحب للصور ومقطع الفيديو ، تحت عنوان : “إحنا مين؟” .. قال فيه : إحنا +١٠٠ طالب من جامعة القاهرة جزء من حاجة أسمها “ايناكتس ودي” أكبر منظمة طلابية عالمية في أكتر من ٣٥ بلد حوالين العالم و في ٥٢ جامعة في مصر بتهتم بحاجة أسمها ريادة الأعمال الإجتماعية ودي بنعمل فيها مشاريع بتهدف لتحسن حياة الناس في المجتمع بحيث يتنافس ب بالمشاريع فى الأول مع الـ ٥٢ جامعة بمصر في الـ National competition وأللي بيكسب بيروح الـ world cup عشان ينافس الجامعة الأحسن من كل بلد في الـ ٣٧.
وأضاف “عدلى” قائلا : هذه السن أحنا ايناكتس جامعة القاهرة أصبحنا أول جامعة حكومية في مصر تكسب الـ world cup وهي بتمثل مصر ضد كندا و أمريكا و المانيا و الهند وغيرهم كتير من البلاد في silicon valley, America ، وأستطدر محمود قائلاً : طب عملنا أيه عشان نكسب؟
وقال : عملنا كذا حاجة الحقيقة ، حيث عملنا فوط صحية خالية من البلاستيك ١٠٠٪ للستات فى المناطق الفقيرة ، فالأرياف أرخص من أي بديل في السوق لأنهم أصلاً مش بيكون معاهم سعر الفوطة ألي شركات زي P&G أو غيرها بتبيعها بأننا جبنا ستات من نفس القري الفقيرة دي وعلمناهم يعملوها ويبيعوها و يسوقولها ويكسبو منها عشان يبقي مصدر دخل ليهم وكررنا الموضوع ده فأكتر من ٩ قري في مصر و السودان و البلاد الفقيرة في جنوب أفريقيا وربطناهم ببعض ، غير إننا من خلال مشروع أخر قِدرنا نقلل النفايات الإلكترونية في مصر بـ ٨ طن في سنة واحدة.
وأضاف محمود عدلى : إحنا في ايناكتوس جامعة القاهرة اشتغلنا أكتر من ٢٠ ألف ساعة هذا العام وسافرنا فوق الـ ١٠ الآف كيلو فى مصر عشان نقدر نأثر في حياة الناس دي.
وأختتم محمود عدلى قائلاً : لو أنت من ايناكتس أو من جامعة القاهرة لو حتي مصري خليك فخور إن ١٠٠ طالب من بلدك عملو ده.
فيديو ..
