+ تمجيد تسبحه قداس
م القلب وبإحساس
مأحلاهم لما يكونوا
ف كنيسة الأنبا كاراس
+ اللي ف قلبه طلبه
واللي ف عيونه دمعه
وأللي ف مرضه بيتألم
بسرعه ينور شمعه
+ ويقول يا أنبا كاراس
يا شفيعي ف الأقداس
أنا جاي أتشفع بيك
أطلب لي الخلاص
+ شمعة ودموع وطلبة
بقلب مليان إيمان
قدام أيقونة عجيبة
تبدد الأحزان
+ بأشوف وداعة ف عينيه
وإبتسامه ع شفتيه
واحس بإيده حولي
كل مابأتشفع بيه
+ لما بأبكي وبأطلب طلبه
مابيهونش عليك الدموع
وبسرعة بدلالة عظيمة
تتشفع قدام يسوع
+ وتملي يستجيب للطلبة
ويفرح القلب الحزين
يشفي الأمراض بشفاعتك
يمحي آلام السنين
+ شفاعتك دايماً مقبولة
عند إيسوس بإخرستوس
صلواتك دي بخور ف السما
أللي بيها ربحت نفوس
+ ف كنيستك نلقي فرحتنا وبالتمجيد قلبنا يرتاح
لما بنرفع كل قلوبنا
ونصلي مع السواح