وكما قال الشاعر
جئت لا أعلم من اين اتيت ولكني اتيت…. لست ادري… لست ادري
ياتري جينا ازاي ؟ مين اللي خلق الكون ده ؟
علشان نجاوب علي السؤال ده قدامنا 3 احتمالات
1) اما اننا اتينا من اللا شئ
2) او اننا احنا خلقنا نفسنا بنفسنا
3) او ان هناك شئ ما اتسببت في خلقنا.
بالنسبة للاحتمال الاول اننا اتينا من اللاشئ ، الاحتمال ده ضد قوانين الفيزياء وحفظ الطاقة لان لا شئ ياتي من اللاشئ
وان كل شئ دائما يتسبب في الشئ الآخر
كده يبقي الاحتمال الاول مستبعد لانه مش كلام علمي و أي هبد وخلاص
نيجي بقي للاحتمال التاني وهو اننا خلقنا نفسنا.
وده معناه اني علشان اخلق نفسي لازم اكون موجودة قبل ما اتولد.. اكون موجودة ومش موجودة!!
زي انا عايش ومش عايش كده
عمر الكون حوالي 13.7 مليار سنة (google it)
ومع كل السنين دي وكل التطور التكنولوجي ده الا اننا معرفناش نخلق انسان بجسم كامل ودقيق بكل الاجهزة اللي فيه الكلي والقلب او الدم.. او حتي نعمل كاميرا زي عين الانسان بدقة 576 بكسل
معرفناش نخلق ميه نشربها ونعيش في المريخ ونرتاح
فهل إحنا اتخلقنا بالصدفة ولا شئ ما او حد خلقنا؟
في الاحتمال التالت بقي وهو اللي بيتكلم فيه علماء الالحاد وهو انه من 13 مليار سنة حصل The big bang الانفجار العظيم ولي نعمتنا معرفش عرفوا ازاي وهما مكانوش وقتها بس تمام
نيجي بقي للانفجار العظيم وهنا انا عندي شوية اسئلة كده
اولا ليه حصل في التوقيت ده بالذات اللي هو من 13 مليار سنة ؟
ثانيا اشمعنا حصل في المجرة بتاعتنا درب التبانة
احنا عندنا في مجرتنا دي ١٠٠:٤٠٠ نجم زي الشمس كدة
وده اللي سهل ندرسه من الكون الفسيح ده
اشمعنا يحصل بقي في المجموعة الشمسية
واشمعنا يحصل الانفجار ويسيب كل الكواكب ويمسك في كوكب الارض
وبوووم الانفجار يحصل وهوووووب تلاقي 8.7 مليار نوع من الكائنات الحية المختلفة عن بعض دي ؟…… ايعقل ؟؟!!!
وبعدين ايه اللي خلي الانفجار العظيم ده يحصل ؟يعني ايه العناصر اللي اتحدت وعددها والقوي اللي حصلت خلت الانفجار ده اتكون ؟
اتكون ؟؟!! مين اللي عمل الانفجار ده أصلا ؟؟
العالم متخلقش صدفة… لان فيه 3 قوى بتحكم الكرة الارضية ومن غيرها تستحيل الحياة
وهم 1. قوة الجاذبية الارضية
2. القوى الكهرومغناطيسية
3. القوة النووية الضعيفة والقوية
القوى دي لازمين لوجودنا وأي خلل او تغيير فيهم نروح في خبر كاااان
ازاي دول اصلا اتكونوا بعد الانفجار الكبير ده واتحكموا في الكائنات اللي اتكونت بعد الانفجار ؟
فيه عالم ملحد اسمه كريستوفر هيتشنز قال.. ان الضبط الدقيق لهذا الكون هو اقوى حجة للجانب الاخر ( للمؤمنين)
الايمان عمره ما كان ضد العلم بالعكس كلما عرفنا الكون واتأملنا هنعرف ان فيه خالق للكون ده.
العلم يعزز ويقوى الايمان
” السموات تحدث بمجد الله والفلك يخبر بعمل يديه” (مز 19: 1)