النعمة..

النعمة قد تكون في شخص يبعتلك كل يوم آية أو ترنيمة.. كل يوم بمعنى كل يوم!! ولمدة سنين مش ناسيك ..
النعمة أن ممكن يكونوا كذا واحد مش واحد بس.. ❤️
النعمة إنك تحس إنك بتيجي على بال حد حتى لو بينكم مسافات وبلاد ويعوضك بيه عن ناس جنبك بس مش شايفينك..
النعمة إنك تكتشف أن في حد بيصلي لك.. وبيحط اسمك على المذبح ..
النعمة إن حد يبعتلك صورة شمعة مولعة في كنيسة ويقولك جيت على بالي وصليت لك..
النعمة إن إيد تطبطب عليك وتحضنك من غير ما تفتح بقك وتشتكي بس يلمسك وتعرف أن في حد حاسس بيك..
النعمة إنك تلاقي ربنا بيقطع من هنا بس قبل ما تفوق يكون وصل من حتة تانية ..
النعمة تجيلك رسالة الفجر بتقولك دعيت لك وأنا بصلي..
النعمة إن كل يوم بيعدي بتزيد نعمة فوق نعمة..
النعمة إنك تحس إنك ابن الله المدلل..
النعمة أن ربنا مش ناسيك ولا هينساك..
#تكفيك_نعمتي

التعليقات