تعرف لو حسيت ان ايدك بتفلت من ايد ربنا.. ماعندكش قوة تفضل متشعبط في ايده، لازم تكون متأكد وعارف ان انت اللي ضعفت مش هو اللي بيسيبك تقع ..
مالكش عذر ان ايدك ضعيفة غير ان تكون عضلاتك مش قوية كفاية .. -يا تكون ايدك تعبت من كتر ما رافعها لفوق بالصلاة و مش حاسس باستجابة
– يا اما مش بتاخد غذاء كويس (روحيًا) مافيش ڤيتامينات داخلة قلبك ..
عمومًا اعرف في كل الاحوال .. انه ربنا هو اللي شايف من فوق وضعك وعارف هيشدك ازاي .. ثق ..انه مش هيسيبك تفلت منه حتي لو مش ماسك فيه كويس ..
هو عارف اننا ضعفاء ..عارف ان اليأس ممكن يشككنا ..عارف اننا هنسيب ايدينا في لحظة و نرخيها ..عارف كل حاجة ..
احنا اللي مش عارفين ان مهما كان وضع ايدينا ضعيف هو اللي ماسك فينا بقوة و هيرفعنا لفوق في اللحظة المناسبة ..
ارخي ايدك وقوله “انا ضعيف مش قادر اتشعبط اكتر من كده” ..واستمتع بالمشهد وانت بتتشد بقوة فوق كل ضيقاتك ..
مهما كنت ضعيف ..هو بيقولك “ليقل الضعيف بطلًا انا” (يؤ 3: 10) ..طلما انت متكل عليه
#تكفيك_نعمتي