انا مش حسأل ربنا ليه كل شوية نمر بتجربة توجع القلب ..انا بس بفكر بصوت عالي ليه فرحنا مش كامل ..ليه مش عارفين نكون مبسوطين …حتى لما نضحك شوية بنكون خايفين و نقعد نقول “خير اللهم اجعله خير” عندنا دائمًا احساس ان ضحكنا حيقلب دموع …ده حتى لما دموعنا بتنزل من كتر الضحك نقوم سايقين فيها و مكملين بكاء علي حاجات مدفونة في قلبنا ووجعنا ..واهه في الزحمة محدش مركز دي دموع ايه …
ليه مش قادرين ننفذ كلام ربنا اللي طلب مننا نكون دائمًا فرحين ..ليه مش قادرين نستجيب لما بيقول لا تضطرب قلوبكم ولا تجزع.. دائمًا عندنا حالة رعب وهواجس ..احنا مش عارفين نتمتع بسلام ربنا …محتاجين طول الوقت نفكر نفسنا ان ربنا صالح والى الابد رحمته ..
ارحمنا يا رب من دوشة العالم ومخاوفه ..
#تكفيك_نعمتي