جيت اقوم من مكاني ..لقتني بقول جملة كان بابا دايمًا بيقولها ..قبل ما ينام و اول ما يصحي.. طالع..نازل.. بياكل.. في كل وقت .. ولما كنت اقعد اهزر معاه و اقلده كنت لازم اقولها ولا عمري طبعًا ركزت فيها.
استوقني بقي دلوقتي انها جملة بسيطة قوي .. من راجل بسيط جدًا .. بس يتكتب فيها كتب ..
“يارب سترك و رضاك” ..
الستر مش ستر الجسد بس .. فيه ستر الحال و الأعمال و حتى الافكار …
تخيل كده لو مخك كده شفاف و كل الناس شايفة انت بتفكر في ايه !! نهار اسود .. الستر ممكن يكون مليون حاجة ..حتى ستر اللسان من انه يجرك في خطيئة كذب او نم او ادانة ..وحاجات تانية كتيرة قوي ..
اما بالنسبة للرضا ..انا شايفة ان اللي ربنا راضي عنه بيديله نعمة ان هو كمان يكون راضي بحاله و مبسوط على اي حاجة ربنا سامح بيها في حياته .. وان كل ما ُيعمل ..ُيعمل للخير، تخيل لوحدك لو ربنا راضي
عنك..لو مش قادر تحس بيها..اعرف انك بعيد قوي لسه ..
يارب سترك ورضاك
#تكفيك_نعمتي