ساعات كتير ربنا بيسمح أن حاجات كتير مُفضلة عندنا تضيع علشان يلفت نظرنا لنعم كتير جديدة أحنا مش واخدين بالنا منها، مركزين على كام حاجة وفاكرين هو ده كل الكيان اللي حوالينا. بص حواليك على حاجات تانية، يمكن اكتشافاتك الجديدة تاخدك لمستوى تاني، وتغير اهتماماتك..
ربنا عايزنا نبص حوالينا.. ما نركزش على الحاجات اللي بنحبها و بس ..
ندور عليه في كل حاجة زي ما هو بيدور علينا لو اتشتتنا..او تهنا او اتلخبطنا.
أمسك الريموت واطلع بره دايرتك المفضلة.. قلب قنوات حياتك وماتقلقش.. هتلاقي اللي يفرحك ..
ما تشليش عينيك من على ربنا لأنه هو مش شايل عينيه من عليك .. هو كمان بيدور عليك لأن وجودك بيفرح قلبه ..
بس انت قوله نحوك أعيننا يارب ..انت بس اللي لما نلاقيك في كل حاجة حوالينا هنفرح بجد
#تكفيك_نعمتي