الشمس ضربت في عيني الساعة ٧ الصبح !! صاروخ كده موجه ..صحيت مش شايفة قدامي بحاول اشد الستاير بأقصي قوة علشان اسد الفتحة الصغيرة قووووي اللي داخل منها كل النور ده ..
برضه الاوضة منورة جدًا ..غطيت وشي ..حطيت مخدات فوق بعض علي عيني ..علشان اعرف اكمل نوم شوية ..
الغريب ان عمر ما فرق معايا ولادوشة و لا نور ولا اي عوامل خارجية ممكن تصحيني بسهولة كده ..
صحيت طبعًا الظهر بس قاعدة افكر من ساعتها في الشعاع اللي لخبط لي اليوم كده ..
نعم ربنا عاملة زي النور بالضبط ..موجودة و موجه ليك ..وبطريقة مباشرة ..
انت عايز تدور وشك ما تشوفهاش دي قضيتك انت ..تغطي عينيك ..او تكمل تهرب منها ..ده مش هيمنع ظهورها وحقيقة وجودها حواليك ..
احنا اللي بنختار نتمتع بيها ولا نسبح في بحر الهروب ..
فتح عينيك لما تشوف النور ..لان لحد ما تفوق من غيبوبتك ممكن ما تلاقيهوش ..
#تكفيك_نعمتي