جاءت هزيمة الامس لفريقنا الوطنى أمام المنتخب الروسي بفعاليات كأس العالم بثلاثة أهداف مقابل هدف، في المباراة الثانية بالمجموعة الأولي كدرٍس قاسٍ بعدما تعلقت الآمال والطموحات علي هذه المباراة وانتظرها المصريين بفارغ صبر.
وكان محمد صلاح قد سجل هدف مصر الوحيد من ركلة جزاء، في الدقيقة 72، لينهي صيام مصر من التسجيل منذ 28 عاما مضت.
وبطبيعة الحال فإن رواد مواقع التواصل الاجتماعي تلقفوا الأمر بسرعة البرق وانهالت التعليقات المحبطة والساخرة بعد خيبة تجرع مرارتها المصريين بالأمس فسعوا كعادتهم لتحويلها لمادة للضحك والهزل ، وبحسابات بسيطة نعرف أن مصر لم تخرج بعد من كأس العالم معلقين الامال علي المباراة القادمة ، ولكن من يضمن أن تصالحنا المستديرة أم تعاود البين مرة اخري لسنوات يعلم عددها الله وحده.
وجاءت بعض تعليقات رواد الفيس بوك وتويتر :
“مسعودى احنا كده خرجنا من كأس العالم ؟
فشر يا روحى كأس العالم هو اللي خسرنا.”
“السعوديه اتغلبت ٥ يوم الخميس
تونس اتغلبت ٢ يوم الاتنين
مصر اتغلبت ٣ يوم الثلاثاء
حد يكلم اخوانا بتوع المغرب يأجله ماتش يوم الاربع بأى طريقة.”
“احنا نلاعب السعودية علي الجزيرتين”
وفي تعليقات أخري : “منتخب مصر افرح حتي لو لم تفرح الشعب المصري يكفي انك اسعدت المشجعات الروسيات
الناس الحلوة دي خسارة تروح زعلانة”
“كل 28 سنة بنجيب ضربة جزاء…نشوفكوا في ٢٠٤٦ ”
احنا ماخسرناش كاس العالم ,, كاس العالم هو اللي خسرنا وخسر دلعنا تقريباً كمان”” مفيش حاجه اسمها السعوديه تكسب اوروجواي”
“احنا والسعودية نتفق كده ما دام اكده ميت واكده ميت – قصدي ما دام كده كده خسرانين احنا الاتنين – يبقى نتفق اننا ندخل في بعض 50 جون لكل فريق.. اهو يبقى هداف البطولة حد مننا واخدنا اعلى سكور في الاجوان في التاريخ وكذا لقب اسطوري تاني .. وكمان يبقى منه اننا بوظنا البطولة على اللي بيلعبوا حلو دول.”
“تحية خاصة للشخص اللي اختار اللون الابيض””عندي اقتراح نقدم طلب للفيفا احنا والسعودية بعدد تغيرات ٧ لاعيبة زي المتشات الودية حرام مش ضامنين نلعب تاني امتي خلي الولاد ينبسطوا.””و مهما كان محمد صلاح شاطر الكورة لعبة جماعية.””نفكر اقتصادياً احنا نبيع الماتش الجاي للسعودية كدة كدة راحت نطلع بأي مصلحة بقى”
فيما جاءت تعليقات البعض ساخرة مشيرة الي أننا أخيرا تخلصنا من جول مجدي عبد الغني الذي طالما لاحقنا به في كل اللقاءات “بص لنص الكوباية المليان قضينا علي اسطورة مجدي عبد الغني وكفي بها نعمة .
جدير بالذكر أن رواد موقع التواصل الاجتماعي تويتر دشنوا عددا من الهاش تاجات جاءت تحمل العبارات ذاتها الساخرة مما حدث والتى تحمل بعض أمل في قادم مرتقب.
ولازال المصريين يترقبون ببصيص أمل المباراة القادمة علها تشفع في ظمأ.