لم تهدأ السوشيال ميديا على مدار يومين، منذ إصابة سمية عبيد المعروفة إعلاميًا باسم “فتاة المول”، بقطع في وجهها أخذت على إثره 50 غرزة بشكل مبدئي، تسبب فيها المتحرش الذي كان قد تحرش بها منذ عامين بأحد المولات في القاهرة، ثم حررت محضرًا بعد ذلك وتم الحكم عليه بـ100جنيه غرامة.
وقد اُثيرت بلبلة حينها، حيث عرضت الإعلامية ريهام سعيد مجموعة من الصور الخاصة بالفتاة دون إذنها، توقفت على إثره هذه الواقعة الإعلامية عن العمل.
كتبت سمية منشورًا عبر صفحتها منذ يومين قالت فيه ما حدث لها على يد المتحرش بعد ذلك:”طيب كلاكيت تاني مرة، في أكتوبر ٢٠١٥، في واحد في مول الحرية، اتحرش بيا و خرج بكفالة ١٠٠جنيه، الشخص ده النهارده ظهر لُي فجأة، و حاول يكلمني، لما مديت عشان أبعد عنه، جري ورايا و ضربني بالمطواة في وشئ، أدي لعملية ساعتين و نص، و دي لسه أول عملية، الغريب أنه لما اتقبض عليه، اعترف و قال اصلها استفزتني لما ماردتش عليا، أول مرة خرج من قضية ضرب و تحرش بكفالة ١٠٠ جنيه، يا تري بعد ما عمليات غائر طوله ٢٠سم و عاهة مستديمة، هيخرج بكام؟!”.
وتفاعلت ميس معها، قائلة:”هيخرج ب 100 جنيه زيهم بس ولا يهمك من الأشكال دي اللي انتشرت في المجتمع اللهم صبرنا بقى”.
ولكن الباشا مالك، يرى أن هناك شيء غامض في هذه القصة:”بس في حاجة غلط وغامضة يا سمية”.
وانتفضت شهد من بشاعة المشهد:”يا الله، مريض هذا خير إن شاء الله.. فوضى هي يجي يضربك بسكين!! الله لا يوفقه الغبي يارب ينسجن ويطول بالسجن عشان يعرف قيمته”.
ورأت آية أن هذه القضية مدبرة:”حبيبتي دا يفتح القضيه الأولى تاني معناه أنها كانت مدبرة و يمكن لو مش جوه المول كان عملوا فيكي حاجه دا مجرد واد متسلط بأجر لازم تعرفي اللي وراه و المرة الأولى كانت مدبرة مش مجرد متحرش ولا معجب ماشي وراكي و أكيد قبض تمن اللي عمله فيكي في المول”.
وحاول يحيى مواساتها بشكل راقِ:”قلبي معاكي ربنا ينتقم منه و ينال جزاءه المرة ده.. أنتِ جميلة بوشك زي ما هو و بقوتك و إرادتك ضد كل ما هو قذر في البلد ده”.
ورأى عمر أن السبب وراء تخفيف العقوبة عليهن هو ظهورها مع الإعلامية ريهام سعيد:”ليه خرجتي مع ريهام وقولتي أنك تعرفي المجرم دا واتصورتوا مع بعض.. كلامك دا كان سبب أن الواد دا ياخد أسبوع واحد حبس وخرج براءة في قضية التحرش”.
وأكد البعض أن هذه الواقعة انتقامية، إما من الشخص ذاته أو من شخص آخر دفع له بعض المال.
وفي ظل الهجوم الذذي نالته سمية، دافعت عنها شيماء، قائلة:”يابنتي والله قلبي اتقطع عليكي حتى لو أنتي الغلطانة ميعملش كدا ربنا يشل ايده ويوريكي فيه عجايب قدرته ويشفيكي عاجلا”.
وحللت ميرفت إن ما حدث نتاج طبيعي لسوء السلوك”في حاجة غلط إزاي هو اللي عمل كده وانتم صحاب وريهام جابت فيديو وانتو ماشين مع بعض وبتشترو حاجات مع بعض من كشك وأنتِ اعترفتي إن مامته كلمتك وانكم فعلا كنتم مع بعض بصي يا سميه أنا معرفكيش ولا اعرف الولد بس آخرة الطريق الغلط وحش وأنتِ يا بنتي حافظي على نفسك”.
وانفعل إسلام بسبب توجيه الاتهامات لسمية بسبب لبسها:”ويجي واحد متخلف في الآخر يقول هي السبب وهي اللي استفزته بلبساها أو أي حاجة ناس مريضة والله.. والله عندهم حق لا يكلموا ولا يثقوا في حد وطبعا يخافو يمشو فى الشارع زي الناس عادي من الهبل دا”.
ولمّ تعرضت له سمية من هجوم، أكدت سميه أن الزمن لو عاد بالموقف مرة أخرى لن، تحرر محضر لمّ تعرضت له من هجوم مجتمعي عنيف. فضلًا عن اتهام البعض لها أنها تبحث عن الشهرة.