أثارت صورة نشرتها صفحة جامعة حلوان عبر الفيس بوك، اليوم الاثنين ثاني أيام العام الدراسي جدلًا واسعًا، حيث نشرت صورة للطلاب وهم يمارسون رياضة الكاراتيه، واستنكرها الكثيرين من طلاب الجامعة مشيرين إلى أنها خاصة بجامعة القاهرة وليس حلون.
اعتبر الكثير من الطلاب أن ما يحدث في الجامعة استخفاف بقيمة التعليم، حيث استقبلت جامعة حلوان بالأمس الطلاب بالملاهي والزحاليق، فيما رأى البعض الآخر أن أهم ما في الأمر هو سعادة الطلاب الجدد.
نشرت الصفحة الصور والفيديوهات تحت تعليق:”فعاليات أول يوم جامعة.. هما تقريبا بيدلعوا بتوع سنة أولى.. بس العيال فرحانة وده كفاية”.
رأى محمد ناصر أن في ذلك جمال:”يا حلاوة الجامعة احلوت أوي بعد ما مشينا أنا حضرتها أيام ما كانت صحراء”.
مزح إسلام قائلًا :”والله عيب الكلاام ده المفروض يجيبوا قطر الموت و الديسكفري”.
وصف فريد ما حدث بأنه :”شوفت يا حماده الجامعة باظت وبقت مهزلة”.
وعبر أحمد عن فخره بتخرجه قبل حدوث ذلك:”الحمدلله أننا محضرناش الكلام ده يا عم”.
دعت سارة صديقاتها للذهاب إلى الجامعة :”الحقوا اللي بيحصل ينهار ضحك لا دا إحنا ننزل بكرا بقى”.
استنكر خالد لما يحدث، قائلًا :”فاضل بقا التطعيم ويوزعوا البسكوت بعد المحاضرات”.
تساءل مصطفى عن :”ودي جامعة دي ولا نادي الأسرة؟”.
تحدث محمد فوزي بغضب وجدية :”والله عيب عليكوا.. أنتم بتبهدلوا منظر التعليم أكتر ما هو متبهدل، وللأسف الناس بتضحك و واخده الموضوع بهزار..! يعني لما يبقى أول يوم كدا لناس داخلة أولى جامعة وعقلها ناضج و ناس كبيرة و بينتقلوا من مرحلة تعليمية لآخر مرحلة ليهم في التعليم الدراسي ويبقى دا استقبالهم..! إيه الهدف وأسبابكم المقنعة اللي تخليكوا تعملوا كدا ! اتريقتوا على تحية العلم.. والله على الأقل أرحم من كوكي بارك بتاعتكوا دي”.