عبر نشطاء موقع التواصل الاجتماعي عن استياءهم الشديد من تغيير أسماء الأكلات الشعبية إلى إنجليزية ، مثل الطعمية التي أصبحت green burger ، والكشري egyption pasta .
نقل عادل عبدالمطلب، أحد المواطنين، صوت الشاره، فقال :”لسه حاصل دلوقتي ، واقف بشتري فلافل (طعمية) واحدة جت قالت لعم عبده عايزة بـ5 جنيه green burger ، فقالها : هتلاقيه في الصدلية، واعتبر عادل أن عم عادل أحرجها كثيرا بهذا الرد”.
وأكدت دعاء على أنها تحرج أن تقلد هذه الموضة:”والله أتكسف اروح اقول للراجل كدا”.
وسخرت ثناء من هذا قائلة :”الحلو بمصر محافظتها على تراثها.. الشغلات الفرنجية متى تدخل عندكم تصيرون حالكم حال أي دولة”.
وحزنت نونا على :”يعني الأميركان يطلعوا القمر وإحنا نسمي الكشري، هناك فرق برده”.
فيما استحسنت ريوا اسم الكشري الجديد:”نبقى نقول كده أرقى من الكشري شوية”.
وخافت سها من ارتفاع أسعار هذه المأكولات:”لا لا لا لا ما تقولش كده حرام هي الفشخرة الفاضية ديه اللي بتخلي الحاجة تغلى”.
ورات إيمان أن ذلك ضرب من الجنوان :”أنتِ متخيلة نروح ناكل، وأقوله عايز إيجيبشن باستا من غير بصل الله يكرمك ، هي البلد جراله إيه”.
ومزحت فاطمة مع صديقتها:”أهو اتفضلي الكشري الزهر لعب معاه و إحنا لسه يا نحس”.
وعبر محمد رفيع عن غضبه من ذلك:”هو كل واحد يحور في اسم أكله وعايزه يبقى لغة !! #كفايا_تفاهه”.
وأعاد محمد علي أسماء المأكولات التي تم تغييرها بالفعل:”من ساعة ما الكاكاو بقي هوت شوكلت، والبليله بقت بينز، والفشار بقي بوب كورن، والملوخية بقت جرين سووب، كله كوم والجرين سووب دى كوم لوحدها طبعا، والقهاوي بقت كافيهات، والقهوه نفسها بقت كوفي ايشي تركى واميريكان و اسبرسو، وكمان الحليب بقي ميلك، والبقسماط بقي باتون ساليه ، والفطير بقي اسمه كريب، من ساعة ما العري بقي open mind ، والهدوم المقطعه بقت ستايل، والمخدرات بقت روشنه وصياعة، وكمان بقي عندنا Single mother و Single Father 😏، برضو علشان محدش يزعل ويبقى فيه مساواة ، من ساعة ما الراجل بقي مُز، والبنت بقت رجولة، من ساعة ما الخلافات بقت onLine، والزعل بقي Block ، والطعمية بقت جرين بورجر ، والضحك بقي ايموشن، وكمان بقينا نكتب عربي بحروف انجليزي ، وسميناه فرانكو من باب الروشنه ، ومن ساعة ما البني آدم بقى قيمته فـ لبسه ونوع موبايله، مش فى أخلاقه واحترامه، من ساعه ما بقينا نحس بالوحده في وسط اهالينا، من ساعة ما القرايب بقوا عقارب، واحنا اتغيرنا اوي”.