بعد حالة الترقب التي عاشها الشارع المصري، منذ فترة كبيرة؛ استعدادا للتظاهر اليوم 11/11 ضد الغلاء وارتفاع الأسعار، لم يتفاعل أحد، حيث باتت الشوارع فارغة من المواطنين، ما أثار سخرية نشطاء فيس بوك، الين توقعوا ذلك قبل حدوثه.
جاءت التعليقات بالأمس أغلبها يوضح أن الشعب سيجلس أمام التلفاز ليشاهد الشعب وهو يتظاهر ويثور.
ومن أبرز التعليقات التي جاءت مع عدم التجمهر اليوم :
* اعمل منشن لصاحبك اللي عاوز تبقى جنبه لما تقوم ثورة بجد.
* ثورة الملاهي.
وأعربت و.ر، عن غضبها من سخرية المواطنين من الثورة:”مش معنى أني ما نزلتش أني مؤيد للنظام”.
وعلق أ.غ، على التواجد الأمني الكثيف أمام كارفور قائلًا:”يخربيت دي صورة، ما يمكن جيفارا كان عنده مشكلة مع كارفور..هي الثورات ليه بتطلع من كارفور مش من فتح الله مثلا، ماهو مليان زخم ثوري بردو، لكنكم تحبون الكفار”.
وتساءلت ر.لا، عن أصحاب دعوة الانتحار الجماعي :”طيب فين الناس اللي كانت هتنتحر طيب”.
كما قالت ه.خ أن الثورة حدثت بالفعل ولكن :”الناس اللي قلقانه أن الثورة ماجاتش ف التليفزيون أحب أقولكم الثورة حصلت فعلا بس في دريم بارك”.
وسخر م.م، من الوضع قائلًا :”الوضع عجيب يا برايز.. دلوقت الجيش والحكومة في الشارع والشعب في دريم بارك”.
ومزح م. ح، قائلا :”عاجل .. الصحة:إصابة 150 من قوات الأمن المصرية .. بالملل”.
كما سخرت ر.لا، من قناة الجزيرة قائلة :”عاجل .. قناة الجزيره قوات الأمن المصرية تستخدم غاز يقوم بإخفاء المتظاهرين”.
ومن ناحية أخرى ، اعتبر أ.ر، أن ما حدث مخطط :”موضوع دريم بارك ده متدبر كويس عشان يقولوا إن ده الشعب اللى انتوا بتقولوا عليه جعان أهو رايح يتفسح والدنيا حلوة وفى نفس الوقت اللى فى الشوارع دول يبقوا تبع مرسى ودول بيتظاهروا عشان مرسى وبس مش تبع ثورة الغلابة يبقى من المعادلة الأولى والثانية نستنتج ان الدنيا حلوة كريم شانتيه ومفيش مشكلة وبالتوفيق”.
ومزح أدمن صفحة بروفايل :”طب إقفل الثورة و افتحها تانى يمكن تشتغل”.
وما تناوله النشطاء من هذا الكوميكس، قال :”طيب جرب كده تقفل التلفزيون وتفتحه تانى يمكن تكون الثورة معلقة”.
وبعد أن شعر ح.ج، بالملل قال :”بما إن محدش نزل يبقى كده ماقداميش غير الخطة البديلة.. أقوم أغسل”.
ونقل س.ف، ما رأه في الشارع :”الهتافات الآن تزلزل الأرض أمام المساجد، جوافة بلدي تلاتة كيلو بعشرة جنيه”.
وشبهت ش.ع، هذا اليوم بـ:”ثورة ١١/١١ دي عامله زي خروجة الصحاب اللي بقالهم شهور بيتفقوا عليها و كله قال ‘ قشطة أنا جي ‘ و يوميها محدش شاف التاني”.
وأكد أ.ع، أن من ذهبوا لدريم بارك اليوم :”الناس اللى راحت دريم بارك النهاردة اكتر ١٠ مرات من الناس اللى نزلت المظاهرات فى مصر كلها، بقى كل المخطط ده من صاحب دريم بارك”.
ووصفت س.ع، الشعب المصري بالرايق:”أجازات واتلغت.. شغل وصاحيين بدرى ونازلين فى الأجازة، وفى الآخر الناس تضحك علينا ويروحوا يتفسحوا فى دريم بارك، خيانة.. شعب رايق والله”.
وعبرت ه.ع، عن غضبها الشديد من سخرية الإعلاميين من اليوم :”الى النخبة الزائفة في مصر، انتم مستفزين فعلا.. هل تعالح الامور في حالة الاحتقان الشعبي بالتريقة والسخرية ممن لم ينزل في الشوارع؟ وكأنكم تحفزوهم على الشغب.. ايه العبث ده بطلوا بقى شغل المصاطب ده واعملوا عقولكم لتهدئة شعب تأججه كل الإرهاصات الراهنة التي لا يمكن إغفالها بدلا عن حالة التسخين الفجة دي.. ولن ينسى التاريخ إنكم شاركتم في هذا الوضع المشين نتيجة دخولكم كطرف في صراعات شعبية من اجل لقمة العيش.. هي مصر ناقصة صراعات يا مفكري العصر”.
ولازال الشعب المصري في انتظار ما سيحدث اليوم من أمام التلفاز، حيث أن يوم 11/ 11 لم ينتهي بعد .