على الرغم من نجاح إعلان “ارسم قلبك”، الذي شارك فيه مجموعة من النجوم وعلى رأسهم البروفسير الدكتور مجدي يعقوب، إلا أنه كانت هناك بعض الانتقادات لهشام جمال مخرج الإعلان الذي قام بالغناء فيه، حيث تشابه البعض في كونه إمرأة؛ لطول شعره وطريقة غناءه.
قال محمد أحمد، أحد النشطاء:”شكراً ليها بجد كان صوتها تحفة الصراحة”.
وتساءل شمس الدين عن أسباب دفاع الفتايات عنه: “أنا لاحظت إن البنات بتدافع عنه و هو أصلا مش هيعبر واحدة فيهم”.
ورد أحمد حمال، أحد النشطاء، عمن قالوا أن تربية الشعر سنة نبوية:”بصو ياجدعان مع احترامى للكل من شروط تربية الشعر للرجال هى إنبات شعر الذقن حتى تبعد تماما عن فكره التشبه بالنساء”.
وكان لمها البحيري رد على منتقدي البنات، حيث قالت: “الناس اللي بتقول ترضي بيه عريس ومش هيبصلكم إحنا بنعتبره أخونا وقدوتنا يمكن مش كلنا بس أغلبنا وبعدين كل واحد وليه عيوبه”.
وأكد دون سالم، أحد النشطاء، على أن صوته نسائي وتشابه عليه.
أما غادة أحمد فترى أن هذه ليس خلقة الله بل تظيف إنساني في غير محله:”بالنسبه للي بيقوله ربنا خلقة كده وهو صوته كده خلاص ماشي صوته وحش يبقى ميغنيش مش لازم يكون ملحن ومنتج يبقى ناجح في كل حاجة هو صوته وحش بالنسبه لناس كتير”.
وبرر حسام بغدادي انتقاد الكثيرين لهشام ، قائلًا: “إحنا مش بنقول عليه أنه مش محترم ولا حاجة ولا غلطنا فيه .. بس كان يكتفي بإنتاج وتلحين وإخراج الإعلان لكن أنه يطلع يغني بلاش أحسن..على فكرة والله مش تريقه ولا حاجه بس هو شكله ملفت فعلا بغض النظر عن أهدافه او أملاكه اللي انتوا بتتكلموا عنها”.
وكان لرغدة رأي مخالف لجموع من الناس ، حيث رأت ان الإعلان ذاته غير مدروس:”إعلان دمه تقيل وكلامه مش مفهوم وطويل والممثلين فيه أدوارهم إما أصغر من أعمارهم أو مش لائقة عليهم، الإنتاج قبل ما يكون فلوس ده فهم واستيعاب ودراسة لكل شخص شغال في العمل ده“.
وعرضت ندى هاني سيرة ذاتية لهشام جمال دفاعًا عنه:”هشام جمال اللى خد تريقة ده عنده ٢٣ سنة مخرج الإعلان و صاحب فكرته ده غير أنه ملحن و منتج وعندة شركة إنتاج roznama أسسها وهو عنده ١٦ سنة .. وهو اللى أنتج البوم دنيا سمير غانم ومسلسل لهفة ومسلسل نيللى وشريهان .. و مخرج كليبات و هو اللي لحن أغاني البوم قصه شتا بتاع دنيا سمير غانم .. وبيدرس بيزنس ف جامعة ف اسبانيا .. وعنده فرقة اسمها بوى باند عاملة أغانى كويسة “.
ومن ناحية أخرى، أبرز الإعلان مدى حب جموع الشعب المصري للدكتور مجدي يعقوب، وتقديرهم لجهوده الذي يبذلها من أجل الوطن، ومساعدة مرضى القلب.