تداول نشطاء موقع التواصل الاجتماعي فيسبوك، صورًا لحوت نافق ظهر على شاطىء الغرام بمحافظة مرسى مطروح، وقد أثارت الصورة جدلًا واسعًا وتساؤلات حول أسباب وجود الحوت في شاطيء يذهب إليه المصطافين، فيما رأى البعض الاخر أنها شائعة ولا يمكن أن تكون حقيقة.
قال عمر – أحد النشطاء – :” بلاش كذب، أنا من مطروح وده مش لون بحر مطروح أصلا ومفيش أي حاجه من اللي بتتقال صح لا حيتان ولا قروش أي حاجه بتظهر خبرها بيتنشر في ثواني، فمتحاولوش تضربوا السياحة”.
وعبرت زتونة المجنونة – إحدى النشطاء – عن هلعها من سماع ذلك الخبر قائلة :” لكل اللي بيقول ميت ما هو الميت ده كان عايش قبل كده و أكيد عندو عيال صغيرين”.
وأرجعت رهف نور – إحدى النشطاء – أسباب موته إلى :” أكيد مات من الزبالة والجو الملوث، أكيد انتحر، حتى الحيوانات اتخنقت “.
وتغزلت فاطمة – إحدى النشطاء – في جمال مطروح على طريقتها ، قائلة :” الله على جمال مطروح وبحرها حتى الحيتان سابت البحور كلها وجت مطرووح”.
واستنكرت نسمة مجدي – إحدى النشطاء- تعليقات النشطاء وهلعهم قائلة:”إيه الخوف فى كده ده حوت ميت والموج هو اللى طلعه على الشط ..الحوت مش بيطلع على مسافات قريبة من الشط، لو لقيت قرش ابدأ اقلق غير كده شكليات”.
وتخيلت عبير بيبو – إحدى النشطاء- ظهور الحوت أثناء وجودها في البحر:” تخيلى بقا لو بنعوم ولاقينا حوت أنا هموت من ضحك ساعتها”.
وجاءت معظم التعلقيات ساخرة من الموقف ، ومؤكدة أن ذلك لن يضر بالسياحة في مطروح وأنهم سوف يذهبون إليها مرات عديدة.
|
|
