نشرت صفحة best gars مقطع فيديو لشابين يقودان سيارة، وحذرت النشطاء من إشعال السجائر في السيارة أثناء تشغيل التكييف ووجود معطر الجو :” اوعى تولع سيجارة وأنت فى عربيتك والتكيبف شغال وفيها معطر”.
حيث انفجر المكيف في وجه الشباب، ما أشعل النيران في وجوههما. وهذا ما صدقه بعض النشطاء وكذبه بشدة البعض الآخر.
تساءل أبو آدم عن سبب التصوير داخل السيارة ، قائلًا :” طيب جميل الباشا كان بيصور نفسه ليه؟ فيلم هندي وكل العربيات فيها معطر بس مش للدرجة التعبئة اللي تعمل كدا”.
وحلل راجي زيد ذلك بأن :” ليست بسبب المكيف، وإنما بسبب الغاز!.
لو كان المكيف سبب ذلك، كان تسبب في اختناق وحالات وفيات فيما مضى بهذا السبب الأخير، لكن يبدو واضح أنه تسرب غاز من السيارة، أو ربما هذا الشخص كان بحوزته عبوة غاز إضافية في صندوق السيارة.”.
وأكد أحمد التهامي – أحد النشطاء – على صحة هذا الكلام، قائلًا :” الكلام ده مظبوط، ده مش معطر ده غاز بيستخدموه في الخليج العربي بيرشوه علي الملابس بتكون فضفاضة ومتلزقش علي الجسم وحصلت مع أخو صاحبي وعمل عملية تجميل بسبب الحروق. ربنا يحفظكم جميعا”.
وهذا ما أكد عليه عبد الرحمن – أحد النشطاء – أيضًا :” حضرتك في ناس كتير لما تيجي تشغل التكيف تشم ريحه جميله عشان بيبقي حاطط معطر سائل كلو ” سبرتو ” بداخل فلتر التكيف لما تشغل التكيف يطلع ريحه المعطر الجميله و حضرتك كله سبرتو طلع ملا العربيه و العربيه مغلقه مع الولاعه حيحصل اللي شوفتو ده”.
وحاول مصطفى نصار – أحد النشطاء – تفسير ما يريد ناشر الفيديو قوله :” يا جماعة هو قصده لما المكيف بيبقى شغال معناها أنك قافل شباك العربية ومفيش تهويه والغاز اتسرب”.
ولميدو بركات – أحد النشطاء – قوة ملاحظة وتحليل آخر :” دا مش معطر واضح من سرعة الاشتعال إن دا غاز، والأهم أن بداية الفيديو هي أن الشاب اللي ورا دا ياخد الولاعة ويولع ومفيش ف ايده سيجاره، واللي بيصور قدام حاطط كمامة علي فمه ودا معناه أن فعلا كان فيه غاز مش معطر، يمكن كان بيجرب في صاحبه او حب يعمل مقلب وقلب بمصيبة”.
وعنف محمود – أحد النشطاء – ناشر الفيديو ، قائلًا :” يا ريت اللى عايز يعمل خير ويعرف الناس معلومة ينشر معلومة صحيحة وسليمة وليها فايدة مش فيديو مش مفهوم ويحط عليه أى كلام ويبقى كده عمل خير”.
واعتبر أحمد مبروك – أحد النشطاء – أن ذلك تصويرًا احترافيًا لمشهد ساخر :” الموضوع مونتاج و fake أوي، النار اللي مسكت في الولد اللي قدام دي مش طريقة مسكة نار حقيقة وغير كدا سابت العربية كلها ومسكت ف الاتنين دا ايه المزيكا دي”.
فيما قال ميشيل – أحد النشطاء – إن :” الفيديو قديم جدا، و متقطع عشان يقولك المعلومة المفيدة دى، الفيديو كامل عبارة عن الشباب كانت فاتحة غاز بوتان بيساعد على الضحك. زي غاز مسيل للدموع كده، بعد شوية راح عامل لحضرتك شوفته، ولا فواحة و تكييف”.
أما محمد – عبد الجليل – فارتأى أن :” النار أول ما مسكت مسكت فى شعره وده معناه إن كان في شعره زيوت خفيفة منبعثة أو هو كان حاطط كمية برفان كتيرة جدا على شعره وفيها كحول”.
سواء كانت التعليقات بالسلب أو بالإيجاب أو السخرية ، إلا أن أغلبية الشباب حظروا أصدقاءهم من التدخين داخل السيارة ، لتفادي خطورة ذلك .