أعلنت صفحة ” Problem Counselling Center of Bride Group”، عن مكافأة قدرها 10000جنيهًا، لمن يعثر على كلبة من فصيلة الهاسكي تُدعى “مايا”، والتي تمت سرقتها من”نبيل أوقاد” بأرض الجولف، ما أثار سخرية بعض نشطاء “فيسبوك” وتضجرهم، فيما تعاطف البعض الآخر مع صاحب الإعلان، حيث أن صداقة الحيوانات أمر لا يفهمه الكثيرين.
استهزأ “أ.م” من الإعلان عن اسم الكلبة قائلًا:” اسمها مايا، على أساس إنى لو شوفت كلبة هقولها اسمك إيه يا حبيبتى”.
وصدمت “ن.ع” من ارتفاع مبلغ المكافأة قائلة:” اسمها مايا ومكافأة 10000 جنيه كمان، دا أنا لو اتخطفت بابا هيصلى ركعتين شكر لله”.
فيما ادعت “س.ح”، أنها الكلبة ذاتها حتى تحصل على المكافأة: “أنا ماااياااا أنا الكلبة حياة أهاليكوا حد يقولها أنا الكلــــــــــــــبة وآخد الفلوس، حد يمنشن لصاحبة الكلبة ويقولها مايااا الكلبة معايا، ده انا حتى بهووهوهوهوهوهو”.
واقترح آخر حلًأ كي يحصل على المكافأة وهو مغايرة أحد الأفلام المصرية القديمة:” أنا ممكن أعمل زى فيلم سمعة لوكاندة المفاجآت لما جاب كلب جربان من الشارع وحماه ودهنوا بوية وخلاه شبه اللى ضاع وآخد بقى الـ 10000 جنيه”.
وعلى جانب آخر تضجر الكثيرين من التعليقات مؤكدين أن التعلق بالحيوانات نوعًا من الرحمة : “بلاش استهزاء بصاحب البوست عشان أنتوا ما تعرفوش اللي بيربوا حيوانات لو ضاعت منهم أو جرلها حاجة بيحسوا بايه … انا مربية قطة قبل ماكل بدور ع اكلها وان تعبت بجري بيها ع الدكتور ف حين اني ممكن لو تعبت انا مروحش للدكتور..وبصحي من النوم ادور عليه ف البيت عندي كانوا رفضين الوضع ده ولكن لما عاشروا القط حبوه وبيزعلوا عليه لو حصله حاجة .يعني يعتبر فرد من افراد البيت قبل ماجيبه كنت مستعدية ليه ماديا ونفسيا وكل حاجة”.
وأوضحت أخرى أن هذه الكلبة باهظة الثمن ومن سرقها مؤكد يعلم ذلك:” دي كلبة غالية اليى سرقها عارف تمنها، أصعب حاجة مش الفلوس الروح اللى بتبقى متعلقة بصاحبها اللى بيربو حيونات بيبقوا متعلقين بحيوناتهم اكنهم أولادهم انا قعدت شهر اعيط على قطتى لما ضاعت”.
وغضب آخرين من الإعلان حيث هناك ما هو أهم للبحث عنه :” يا جماعه قبل ماتزعلوا على كلب ضاع وعاملين عليه كل المشكله دي دورا على شعب وناس ضايعه أطفال وشباب مش لاقيه مكان ولا أكل تأكله حرام عليكوا حسوا بالناس شويه كلب ايه بصوا للاطفال اللي كل يوم يلاقوها في الزباله”.
وهذا ما أوضحه آخر أيضًا:”ناس كتير عماله تقول مش حاسين وتهزرو ومعرفش ايه، طيب ادخلوا على صفحات المفقودين ع الفيس شوفو كم الاطفال اللي اتخطفت واللي متغيبه واللي اختطفت وماتت واتسرقت أعضائها وكم قلب ام وأب محروق ع أطفالهم”.
وكشف أحدهم أنه رأى هذه الكلبة منذ أيام :” أنا شفت من يومين حد معاه كلب صغير تقريبا لولو وكلبة شبه مايا قاعد بيهم في الجنينة اللي عند عمارات العبور صلاح سالم بجوار بنك عودة ( أنا مش بهزر)”.
وأعلن آخر أنه سيبحث عن الكلبة من أجل المكافأة:” أنا هاحط صورها ها علي العربيات وانزل ادورلك مخصوص يا جدع، ده لو انا ما هيدفعوا فيا مليم دول احتمال يبعتلهم فلوس”.
وطالبه آخر بأن يرفع المكافأة للدولار حيث الأزمة التي يعيشها الجنيه الآن :” يا راجل بقى كلبة قمرة زي دي ثمنها10000 جنيه بس… مد إيدك شويا و خليهم بالدولار و إنت تلاقي كل الناس الللي بتربي كلاب في مصر عندك”.