أطلع علينا المئات على موقع التواصل الإجتماعى الفيس بوك بصورة لحذاء على ضهره علامة الصليب والتى أعتبر إهانة متعمدة من المحل ضد العقيدة المسيحية ، خاصة أن هذا المحل يقع جوار كنيسة الزيتون ، وما أن أنتشرت كل هذه الصور حتى خرج صاحب المحل الذى يبيع هذا الحذاء على الفيس بوك ليقول: مساء الخير أنا محمد عماد صاحب المحل اللي فيه الشوز اللي فيه المشكلة يا جماعة ، بعد أذنكم المنتج دا صينى و انا صاحب المحل و مكنتش أعرف الموضوع و اللي صور لو كان قال كنا هنشيله فوراً، أرجوكم بلاش تشهير انتوا إخوتنا ازاي هيكون المحل متعاقد مع الكنيسة و هبيع حاجة زي كده ، دا غير أن كل العملاء بتوعنا مسيحيين، أنتوا إخوتنا و ممكن تعرفوا من ناس كتير في الزيتون أحنا بنتعامل ازاي مع الناس كلها ، أحنا مهما حصل لا يمكن نخسر عملاء ، ارجو الرد نتمنى زي ما اتسببنا في المشكة نساعد في الحل لان دي طبعنا…
ويبقي الفيس بوك سلاح ذو حدين يستخدم اما لإظهار الحقيقة أو لإندلاع كارثة .