نشرت صفحة المخرج خالد يوسف المرشح المحتمل للانتخابات البرلمانية القادمة على موقع التواصل الاجتماعى فيس بوك ، مقطع فيديو من كلمته أمام أهالى دائرته بكفر شكر بمحافظة القليوبية ،والتى أكد خلالها على أنه لم ينتوى الترشح الا من أجل العمل على جلب الحقوق ل”الغلابة” على حد تعبيره .
أضاف يوسف قائلا :” والله وده قسم أتحاسب عليه يوم الدين ، انى مش داخل الانتخابات غير عشان أجيب للغلابة حقوقهم ولولا ان فيه غلابة فى دايرتى ووطنى مصر مكنتش نزلت “
تابع يوسف قائلا :” أى نائب ينزل لازم يبقى عنده أهداف وفيه ناس كتير انتهازيين بيدخلوا الانتخابات من أجل الوجاهة أو الشهرة أو تسهيل أعمالهم وأنا الحمد لله معنديش أعمال ومش ناقصنى شهرة ومش نازل غير عشان أجيب للناس الغلابة حقوقهم اللى لسه مخدوهاش بعد ثورتين مات فيهم شهداء كتير”