دفعت حرارة الجو اليوم فى محافظة كفرالشيخ الاطفال الى الاسراع نحو مياه الترع للاستحمام فيها لكسر حدة حرارة الجو وهروبا من البيوت التى انقطعت عنها الكهرباء وحولتها الى جحيم بسبب ارتفاع درجات الحرارة لليوم الثانى فى محافظة كفرالشيخ
وكان البديل امام الاطفال الغير قادرين الى الذهاب الى المصايف هو الاستحمام فى الترع وامام ماكينات الرى لكسر شدة الحرارة واللو بعيدا عن عيون الاباء
ولا يأبه الأطفال بما قد يتعرضون له من خطر الإصابة بالبلهارسيا، جراء استحمامهم في تلك الترع، وتتحول الترع إلى ما يشبه شواطئ المصايف، حيث يتجمع الأطفال والشباب، وتقام عدد من المسابقات فيما بينهم.
وقال مصطفى مسعود أحد أطفال قرية كفرتيدا “احنا بنستمتع في مياه الترعة التي تجاور بلدنا وبنهرب ليها من حرارة الجو، وكمان بنلعب طول اليوم فيها علشان الحمام في البيت ضيق علينا أنا واخوتي .
وأضاف “بستمتع في الترعة اكتر من أي مكان تاني.. احنا مبنعرفش نروح المصيف علشان غلاء الأسعار فيه”.
وقال الطفل إبراهيم حسين احنا بنجمع بعضنا بس لما بتبقى الترعة فيها مياه وبناخد كورة معانا علشان نلعب في المياه طول اليوم وبنختار مكان بعيد عن عيون الأسرة علشان محدش يضربنا بسبب الاستحمام في مياه الترعة