لا توجد نتائج
شاهد كل النتائج
بقلم منية مدكور
مش معنى اني باحترم الجيش، اني ضد حقوق الإنسان.
و مش معنى اني عاوزة هيبة الداخلية ترجع، اني موافقة علي ضرب و سحل المواطنين.
و مش معنى اني مش شايفة اي بديل غير السيسى رئيس، اني جاهلة و الاعلام ضحك عليا.
و مش معني أن انت رأيك مختلف، يبقي انت بتفهم و انا غبية.
و مش معني انك ناشط، مفروض علي الداخلية تسيبك تبرطع.
و مش عشان انت ثائر، مفروض علي الجيش يسيب مسيراتك على انها سلمية و هي مليانة بلطجية.
و مش معني انك حقوقي، يبقي من حقك تتحدي الدولة و تتظاهر بدون تصريح.
و مش معني انك بجح، ان ما يتقبضش عليك لو اخترقت القانون.
و مش معني انك بنقنع نفسك ان الاخوان مظلومين انك علي حق.
و مش معني انك مصمم تغالط في موضوع السلاح بتاع اعتصام رابعة، انك عادل.
و مش معني انك عامل نفسك ميت قدام كم السلاح اللي في مسيراتهم، ان عندك ضمير.
و مش معني انك تدعي عكس ذلك، ان أنصار بيت المقدس و كتائب القسام مش أدوات ممولة من الاخوان و بينفذوا مخططهم.
و مش معني انك عامل اعمي و اطرش، انك لولا ٣٠/٦ ما كنتش حتبقي اول واحد يتهرس.
و مش معنى انك نازل طالع شتيمة في
الجيش و الداخلية اني المفروض أوافقك.
و مش معني ان انت مش فاهم قيمتهم، اني مفروض ما اتعاطفش مع موتاهم.
و مش معنى اني لا اتشدق مثلك بتقصيرهم، اني مش معترفة انهم مقصرين، و اننا كلنا مقصرين زيهم و انت اكثرنا تقصيرا…
عشان انت طحنتنا حقوق و حريات و عملت فيها ثائر و سبتنا ننزل الصناديق لوحدنا و كمان شتمتنا و اتهمتنا اننا عبيد.
فلو احنا عبيد البيادة فأنت عبيد التفاهة ….
الملخص مبروك المشير عبد الفتاح السيسى رئيس مصر 2014-2022 ان شاء الله
لا توجد نتائج
شاهد كل النتائج