هو فطار وغيار في الشنطه..
مع كتابين حلوين ومواصله
هو فطار وغيار في الشنطه..
مع كتابين حلوين ومواصله
والشمسية والضليله..
والترابيزه الحاضنه الكرسي
والنضاره الشمس وورقه
مع سما صافيه وبيضا ف زرقا
ودماغ رايقه ومش متضايقه..
والتنهيده والتمديده ..
وقت غروب الشمس
ونورها..
لما يودّع عينك وانت..
شايف حضن الموجه وحضنك
حاضنين قرص الشمس النابضه
اسحب ورقه واكتب شِعرك
ارسم رسمك..
عرف نفسك روعة فنـك..
لو مش عارف..
اكتب اسمك وانت بتلمح
م السما نظره..
اسرد قصه ..
اكتب ليك بجنون وصارحها
ان جمالها ..
سر املنا ونبض قلوبنا
تـنّـح واسرح ..
واجرح صمتك ..
القط نفسك من انفاسها
ابدأ خلوه ..
كلم ربنا فيها بقـلبك
فيها يقابلك..
اشكي ف همك..
خرج منك كل سخفها
بيع دوشتها تسمع ربك..
تطلع ضامم سر الراحه
لما إله الكون ده بحاله
حنانه يضمك.. جوا الخلوه
واعرف دايما سر سعادتك..
لما تطاطي لروعة خالق..
واعرف برضه ان الفرحه
مش تنطيط ولا زغاريط
ولا فدان الوان تتعايق
سر الخلطه..
ان الخالق مش في الكون
ولا مسجون في طبيعه وموج
لو بصيت بجمال انسان
واتعجبت بفطرة طفل..
تعرف حكمه ..
ان الخالق جواك انت..
بس ساعتها..
هترجع تحكي لاول مره
إزاي ماكنتشي..
الرحله أونطه..