أصدرت جبهة انقاذ مصر بالسويس بيانا جماهيريا تم توزيعه على المواطنين فى ميدان الاربعين تحت عنوان ” ثورتنا بتتسرق ” يوضح فيه أسباب التظاهر والاحتجاجات فى مختلف محافظات مصر وتناول البيان القرارات التى اصدرها الرئيس محمد مرسى وأسباب رفض الشعب لها
أصدرت جبهة انقاذ مصر بالسويس بيانا جماهيريا تم توزيعه على المواطنين فى ميدان الاربعين تحت عنوان ” ثورتنا بتتسرق ” يوضح فيه أسباب التظاهر والاحتجاجات فى مختلف محافظات مصر وتناول البيان القرارات التى اصدرها الرئيس محمد مرسى وأسباب رفض الشعب لها على اساس توعية المواطن البسيط غير المتابع للاحداث وما يحدث خلف الكواليس لهذة القرارات التى اصدرها مرسى وتناولها البيان بلغة عامية ليسهل فهمها ومن بينها جاءت كالنحو التالى:
“تعرف أن الرئيس مرسى أصدر فرمانا بأن كل قرارته وقوانينه اللى اصدرها و هايصدرها بعد كده محصنة ضد الطعن أمام اى جهة قضائية و مش من حق حد الاعتراض عليه ولا بالقانون يعنى الرئيس أخذ سلطات مقدرش يأخدها حسنى مبارك ولا أى حاكم حكم مصر يبقى احنا عملنا ثورة ليه ؟ علشان نلغى صوت الشعب والقضاء ويبقى الرئيس فوق الجميع والحاكم بأمره.
وهو ينفع أن الرئيس يلغى دور القضاء و يحصن الجمعية التأسيسية للدستور و مجلس الشورى قبل ما القضاء يقول كلمته طب فين اليمين اللى الرئيس أقسمه لحماية القضاء واحترام احكامه هو احنا انتخبنا رئيس يبقى معاه كل السلطات و يتجكم فى البلد حسب هواه و مفيش حد فى مصر يقدر يراجعه فى اى قرار ياخده يعنى يسلب حرية الشعب و نسكت طب عملنا ثورة ليه ؟
وتساءل البيان موضحا هو قانون حماية الثورة اللى اصدرة الرئيس قانون لحماية الثورة ولا قانون طوارئ جديد باسم مختلف طب عملنا الثورة ليه إحنا ما صدقنا نخلص من قانون الطوارئ ولا القانون الجديد علشان احتكار الثورة واسكات الشعب
وانتهى البيان بعبارات ” احنا السوايسة بدأنا الثورة و مكملين و نازلين الثلاثاء 27 نوفمبر فى ميدان الاربعين عقب صلاة الظهر لنكمل مشوارنا و تنجح ثورتنا.