الشعب المصري…مهموم بالأحداث…أو غافل عنها…لكنه الشارع المصري
*الامتحان بعد العيد بيوم…طب ما يخلوا يوم أو اثنين فاصل بين العيد والامتحان…إيه إللي هايجري!!
طالب جامعي
*ما فيه أيام كثيرة بتبقي أجازات علي الفاضي والمليان مايدونا أجازة عشان نقدر نعيد مع أهلنا وأصدقائنا.
طالب آخر
*هنعتكف يوم العيد في حجرات المذاكرة.
طالبة جامعية
*لما معروف إن الحديد والأسمنت من أوائل السبعينيات كان مغشوش طب ما يكشفوا علي العقارات إللي اتبنت في الفترة دي ويقروا إزالة المفروض إزالته فورا.
مواطن من إسكندرية
*هما مش بينفذوا قرارات الهدم ليه,ومش بيتابعوا إنذارات الهدم ليه,وبيستنوا لما البيوت تقع ويقولوا كان فيه انذرات ليه ….ليه؟
شاعر ناشئ
*كله بيغلي إلا الإنسان بيرخص.
موظف
*بالرغم من تأكيد الإعلام والصحة علي وجود إنفلونزا الطيور…لكن حقيقي لسه فيه ناس بتربي طيور في منازلها وقدام عيننا.
مواطن من القليوبية
*مشروعات الصرف الصحي بتأخذ وقت طويل جدا جدا في أحيائنا…ولا عشان شعبية؟!
صاحب محل
*لو رفعوا الدعم عن الفينو والعيش الشامي,محدش يلومنا بقي لما نرفع سعر الرغيف الطاق طاقين.
صاحب مخبز
*طب وإحنا ذنبنا إيه؟نعمل سندوتشات الأولاد في المدرسة كل يوم إزاي.
رية منزلة
*علي فكرة الميه المعدنية…بقت معدنية خالص كلها حديد ومسامير وصفيح و…,أهو كله فيه غذاء للشعب.
محاسب