غني معايا نشيد الحب
خلي الروح في الجسم تدب
نزرع بسمة تصفي القلب
ونشيل شوكة من ع الدرب
طول عمرنا إخوات مش غرب
بدل الفرقة يصبح قرب
متقولش مسلم ومسيحي
إيمانك ده جوه القلب
شايفاه بس عين الرب
الدين يعني عطاء مش سلب
الدين يعني التسامح
الدين طيبه وملامح
الدين مش فكر جامح
يشوه كل الملامح
الدين يعني المحبة
الدين يعني السلام
دينك مش ممكن يكون
أبدا كره وانتقام
متدورش علي الطوائف أو الديانة
إدي للفقير إعانة
وامشي دائما بالأمانة
هو ده معني الديانة