**أحيانا تتحول حياة الفرد منا وتنقلب رأسا علي عقبفي يوم وليلة..فكأن مثلا تكسب آلافات الجنيهات في مسابقة ما…أو تصبح وريثا لخال أو عم مليونيرا …فماذا أيضا لو أصبحت في يوم وليلة عضوا في مجلس الشعب أو الشوري أو…أحلام وطموحات كثيرة لنا نرسمها في خيالنا لكن لو للخطات عشناها وكأنها حقيقة…فماذا تفعل لو كنت من صناع القرار في مجلسي الشعب والشوري؟!.
*والله مش هازور الناس في سرادق وعلي القهاوي وبعد الانتخابات أختفي ومحدش يسمع لي حس.
صاحب محل بحي شعبي
*أول حاجة هاعملها وأنا مغمض…هاهتم بالتعليم وأقدم دايرتي نموذج يحتذي به في تطوير المدارس.
محاسب في شركة خاصة
*هاخلي المنطقة نظيفة وأهتم بحيالزبالين ماهم برضو من الشعب…وأبعد فاتورة الكهرباء عنالزبالة.
جامع قمامة
*أنا بقي هارجع هيبة عضو مجلس الشعب تاني…وأفضح كل فساد وأي نائب فاسد…وأبقي صورة مشرفة لكلمة نائب في البرلمان.
صيدلاني
*هحاول باجتهاد إني أعمل إللي ما عملهوش النائب إللي قبلي عشان أوضح الفرق وأحط بصمتي.
محام
*أولي حد بالرعاية الفقراء في دايرتي….أهتم بيهم وأوصل لهم المرافق…إللي جرب الفقر حاسس بالفقراء.
عامل في شركة خاصة
*مش هبقي نائب قمار ولا مزور ولا مهرب ولا قاتل ولا مرتشي ولا….ولا…
موظف قطاع عام
*مش هرشح نفسي لا في مجلس الشعب ولا الشوري عشان محدش يدعي علي.
صاحب مقهي
*هأغرق منطقني لحمة رخيصة وعيش نظيف.
بائع متجول
*ها نضف منطقتي من تزوير بعض بتوع الوحدة المحلية إللي بيلفوا علي المحلات ويعملوا لأصحابها محاضر بأي حجة عشان يأخدوا فلوس ويمشوا.
صاحب محل بالخصوص
*هاخلي صوت مجلس الشوري يعلي عن كده عشان ما يبقاش الأمر واضح إن مجلس الشعب في إيده كل حاجة.
موظف علي المعاش
*هاشتري إللي نفسي فيه أنا وعيالي والباقي هوزعه علي الغلابة إللي زيي.
بائع بطيخ