كتب بديع خيري1893-1966أغنيته الشهيرةقوم يا مصريوالتي غناها سيد درويش أيام ثورة 1919 وممكن الاستماع إليها علي الرابط التالي
http://www.youtube.com/watch?v=xrdMdZbdooy
وسوف أنقل الأغنية كاملة لتعميم الفائدة:
قوم يا مصري مصر دايما بتناديك
خذ بنصري نصري دين واجب عليك
يوم ما سعدي راح هدر قدام عينيك
عيد لي مجدي إللي ضيعته بإيديك
شوف جدودك في قبورهم ليل نهار
من جمودك كل عظمة ب تستجار
فين آثارك يا للي دنست الآثار
دول فاتوا لك مجد وإنت فت عار
شفت أي بلاد يا مصري في الجمال
تيجي زي بلادك إللي ترابها مال
نيلهاجي السعد منه حلال زلال
كل حي يفوز برزقه عيشته عال
يوم مبارك تم لك فيه السعود
حب جارك قبل ما تحب الوجود
إيه نصاري ومسلمين آل إيه ويهود
دي العبارة نسل واحد من الجدود
ليه يا مصري كل أحوالك عجب
تشكي فقرك وإنت ماشي فوق دهب
مصر جنة طول ما فيها إنت يا نيل
عمر ابنك لم يعيش فيها أبدا ذليل
…
عندما تزوجت في فصل الشتاء في القرن الماضي,استطعت إقناع زوجتي أنه بدلا من قضاء شهر العسل في أوربا وسط الثلوج والبرد والصقيع,لماذا لانقضي شهر العسل في مصر,وبالفعل قمنا بقضاء شهر العسل في زيارة لمنتجعات سيناء في شرم الشيخ ودهب ونويبع,ثم ذهبنا إلي الغردقة ومنها إلي الأقصر,وكانت زيارة الأقصر هي مسك الختام وأكثر ما استمتعت به هي زيارة معبد الأقصر حيث اتهمتني زوجتيالعروسة وقتهابأنني أشبه إخناتون !!ولم أرد أن أناقشها لأننا كنا في شهر العسل,وحتي الآن لا أحب أن أجادلها عملا بالمقولة الشهيرة:الباب إللي يجيلك منه الريح,سده واستريح.أما درة زيارتنا فكانت بالقطع هي زيارتنا لمعبد الكرنك سواء نهارا أو ليلا للاستمتاع بالصوت والضوء,ومعبد الكرنك يجب أن يزوره كل مصري ليس فقط لكي يشعر بالفخر أن أجداده بنوا كل هذا,ولكن لكي يشعر بالخزي بادعائه أنه أحد أحفاد هؤلاء العظماء,وقد كان انبهاري بتلك الآثار المذهلة مضاعفا نظرا لأنني مهندسا أعمل في عالم البناء والتشييد وأدرك تماما صعوبة بناء تلك المعابد الضخمة حتي بآلات التشييد الحديثة,فما بالك ببنائها بآلات بدائية منذ آلاف السنين,وبالفعل كنت أتساءل: أين ذهب أحفاد هؤلاء العظماء وهل حقا نحن أحفادهم؟وهل كلام بديع خيري:
عيد لي مجدي إللي ضيعته بإيديك
شوف جدودك في قبورهم ليل نهار
من جمودك كل عضمة ب تستجار
فين آثارك يا للي دنست الآثار
دول فاتوا لك مجد وإنت فت عار
وهل حقا مصريو القرن الواحد والعشرين بعد الميلاد يعتبرون عارات علي مصريي القرن الواحد والعشرين قبل الميلاد؟
وتخيلت إذا عاد رمسيس الثاني من مقبرته والمحنط بالمتحف المصري,ونزل إلي ميدان التحرير لكي يشاهده أحفاده,ومن أفضل من الدكتور زاهي حواس مسئول الآثار الأول في مصر لمصاحبة رمسيس الثاني في رحلته الأولي في القاهرة,فماذا سوف يكون المشهد؟
د. حواس:أنا حاخد جلالتكم اليوم في جولة سياحية في مصر.
رمسيس :أنا جعان,أنا بقالي ييجي أربعتلاف سنة ما كلتش,أمال فين العسل والفول المدمس إللي كانوا محنطينه ودفنوه معايا.
د. حواس:إيه رأيك نجيب لك أكل طازة.
رمسيس:عندكم أكل إيه؟
د. حواس عندنا محشي ورق عنب وحمام محشي وسلطة بلدي وأم علي.
رمسيس:أنا ما أعرفش الأكلات دي,أنا عاوز فول مدمس وعيش وعسل.
د. حواس:أمر جلالتك.
رمسيس :أنا النيل وحشني قوي هو فين النيل أنا مش شايفه ليه,أنا كنت بأقدر أشوف النيل من كل حتة!
د. حواس :النيل العظيم موجود,وهو سر بقاء آلاف السنين.
يأخذ د. حواس رمسيس إلي مطعم فلفلة علي النيل ويجلسان ويأخذ رمسيس في النظر حوله.
يحاول أن يفهم كل شيء حوله ويطلب د. حواس الطعام ,وعندما يسأل الجرسون عن طلبات الشرب,يطلب د. حواس مياه معدنية وكوكاكولا.
وهنا يسأل رمسيس:أنا عاوز جعه.
د. حواس:قصدك بيرةهات لنا يابني اتنين بيرة.
وعندما يحضر الطعام,يبدأ يسأل رمسيس عن نوعية الأكل.
رمسيس :العيش ده طعمه غريب,معمول فين ده.
د. حواس:معمول هنا طازة في المطعم.
رمسيس:لكن ده مش طعم القمح المصري.
يصاب د. حواس بالحرج..
د. حواس:آه ده لازم قمح أمريكي.
رمسيس :يعني إيه أمريكي؟
د. حواس:يعني مش مزروع هنا,مزروع خارج مصر.
رمسيس:معقول مصر مش بتزرع أكلها,أمال عايشين تعملوا إيه اللي مايزرعش أكله ما يستاهلش الحياة.
ينظر رمسيس بتعجب إلي العمارات الشاهقة علي ضفتي النيل ويسأل:إيه البنايات الضخمة دي كلها؟كل دي معابد؟وإزاي تبنوا المعابد دي علي ضفاف النهر العظيم,إنتوا كده كابسين علي نفسه,أمال بتزرعوا فين؟
د. حواس:دي مش معابد جلالتك,دي مساكن,وإحنا بدأنا نزرع الصحراء.
رمسيس:يعني بتبنوا معابدكم ومساكنكم مكان الزراعة وبتروحوا تزرعوا في الصحراء إللي ما فيهاش ميه؟!!
د. حواس :ماهي مصر توسعت قوي.
رمسيس:ومين فرعون مصر دلوقت ,أتعشم أنه يكون حد من أحفاد أحفادي.
د. حواس: ما أفتكرش أنه أحد أحفادك,مصر دلوقت مافيهاش فرعون ,لكن عندنا الرئيس مبارك.
رمسيس:ومين الملكة بتاعتكم؟
د. حواس:ماعندناش ملكة!!
رمسيس:وبالمناسبة فين الستات المصريات.
د. حواس:فيه ستات كتير حوالينا,بس مغطين شعرهم ولابسين طويل شويه.
رمسيس:وليه المرأة بتخبي جمالها اللي خلقه الإله رع العظيم.
د. حواس :عشان منعا للفتنة.
رمسيس:وهو فيه أجمل من المرأة وفتنة المرأة,وفين معابد الآلهة بتاعتكم.
د. حواس:إحنا بنعبد إلها واحدا.
رمسيس:كان فيه ناس مرتدين أيامي بينادوا بعبادة إله واحد,لكن قدرنا نقضي عليسهم ببركة الإله رع وليه معابدكم أو مساكنم دي شكلها وحش قوي كده ليه وإيه التراب الأسود إللي في الجو ده؟وأيه الناس الكثير إللي ماشيين في الطرقات بيعملوا إيه؟ليه مش بيشتغلوا في مزارعهم وفي بناء المعابد والأهرامات؟وإيه الطرقات القذرة دي؟حتي قاذوراتكم بترموها في النيل.
إنتوا مش مقدرين غضب إله النيل العظيم عليكم أنا مش شايف قدامي أي حاجة حلوة,حتي الستات بقي شكلهم وحش قوي,إديني كوب جعه خليني أنسي المناظر دي شويه.
د. حواس:اتفضل,في صحة جلالتك.
رمسيس:مال طعمها متغير ليه؟دي جعه مصري دي؟
د. حواسيحاول أن يداري خجله:لأ دي معمولة خارج مصر,في ألمانيا
رمسيس:حتي الجعة أو البيرة زي ما بتقولوا عليها,إنت عارف إن عالم مصري في القصر بتاعي هو إللي اخترع البيرة,كسفتونا,رع يكسفكم!!
يصمت الدكتور حواس
رمسيس:يلا بينا,رجعني المقبرة بتاعتي تاني,أنا كنت فاكر عملت حاجات كويسة في حياتي أستاهل أروح الحياة الخالدة الجميلة لكن لقيت إني بعثت إلي جهنم.
موقعإيلافالإلكتروني:
[email protected]