يا مصر..
إنتي موالي..!!
ندا..في القلب بيلالي..بصوت عالي
يرجرج كياني..يرجعني تاني
علي شط ترعة ..ومنظر سباني
ونسمة طرية ..تهفهف عليا..عيون الصبية
ولمسة كفوفها..ساعة ما بشوفها
وتملأ حياتي..وتقطع سكاتي
بصوت البلابل..علي غيط سنابل
تميل يمين..تميل شمال..ولعب العيال
ينفر…يعفر..!!
وريحة التراب..وعصفورة طايرة..وراها غراب
وجميزة فرعة..
بتحضن طيوها..عشوش..أغصان
وأبو قردان
وشجرة توت وصفصافة..شعورها طويلة هفافة
وأغصان بتدلي..شعور غرقانة..
أصل السنة فيضان..والترعة..حمرا..ومليانة