نادي بأعلي صوت
حقي …….حقي
يا إما أموت
لبوا رغبته بكل برود
مجابوش حقه ….لأ
ده بالمدرعات عليه فوت …فوت
كملوا عليه بالــ ## هراوات ## لازم يموت
في حضن خطيبته قتلوه وعم السكوت
روحه فارقت الجسد للملكوت
قديس … شفيع لينا عريس السموات
## مايكل ## صديق عمري
اتصلي عليه هو وكل الشهداء
في جنازة مهيبة تليق بالعظماء
العالم شهد أسطورة الشرفاء
إللي لون دمهم وأشلائهم الطرقات
واتقال عنهم كانوا ماسكين رشاشات
صلبان خشب وشوية لافتات
بقت أسلحة فتاكة ومحرمات
وعشان كده اتفرضت عقوبات
شفناها في الشهداء من انتهاكات
ويطلع إعلام الـ ## خد وهات ##
بأرقام وهمية لأعداد الوفيات
الدم مغرق كل المستشفيات
ويقولك الوضع تمام .. يا بشاوات
وجثث الشهداء في غرفة التجهيزات
واتعتمت علي الحقيقة بمر الكلمات
وراح الشهيد وهو مؤمن
بان رسالته اكتملت بسلام
وعلمنا درس عمر في أيام
وبقي المشهد الأخير للشهيد
عيد
بنزفه فيه لسموات التمجيد
وحقه هيجي قريب مش بعيد
وعدل ربنا وكلمته هيتحقق وده مش جديد
وليكن التاريخ والماضي والحاضر علي ده شهيد