الشعب المصري…مهموم بالأحداث…أو غافل عنها…لكنه الشارع المصري.
*لحد النهاردة ما استلمناش باقي الكتب ويقولوا تم تسليم كل الكتب للمدارس!!.
طالبة ثالثة ثانوي
*هو إحنا عشان مش ثانوية عامة يتجاهلونا.
طالبة أخري
*معقولة في حد النهاردة مرتبه200 جنيه أو حتي 400 جنيه!!.
موظف بأحد مراكز المعلومات
*قالوا هيرفعوا مرتباتنا- وإن كانت مش كثير- ورغم موافقتنا محدش نفذ حاجة.
موظف آخر
*المفروض مايبقاش فيه ولا وسيلة مواصلات حتي لو صغيرة جوهحوش المدارس.
ناظر مدرسة
**تعليقا علي حوادث حدثت لتلاميذ داخل المدارس.
*عاوزين نعرف الفيروس بتاع العين هينتشر في كل المحافظات زي إنفلونزا الخنازير السنة إللي فاتت ولا لأ؟.
ولي أمر بالقاهرة
*عدم وجود إشراف قضائي علي الانتخابات المقبلة سوف يشكك في نزاهة الانتخابات.
مدير مركز حقوق إنسان
*المدرس مش وراه غير يسأل جبتوا فلوس المجموعة إللي مش ها يجيب ها نسقطه حرام بجد هنلاقيها من الغلا ولا المجاميع.
ولية أمر بمدرسة حكومية
*كيف يتم امتلاك أسلحة نارية وبيضاء من قبل مواطنين عاديين بهذا الكم من الأسلحة؟!.
إعلامية
**تعليقا علي المشاجرة التي حدثت بين عائلتين في وسط البلد الأسبوع الماضي وأسفرت عن مقتل واحد وإصابة آخرين من المواطنين المارة في الشوارع.
*أيوة من حق الدولة الانتباه للقنوات أو البرامج إللي من شأنها إثارة الفتن أو تضليل الشعب ولو في إعلان.
صحفي
*بقالنا أكثر من 5 أشهر فواتير الكهرباء ما جاكش وخايفين يقطعوا عننا النور من غير ذنب.
مواطن من الخصوص
بالقليوبية