الشعب المصري…مهموم بالأحداث…أو غافل عنها…لكنه الشارع المصري
*ياخوفي ثوار الأمس يبقوا طغاة الغد.
كاتب
*مش هانمشي إلا لما الطلبات بتاعتنا تتحقق…علي الأقل معظمها والباقي ها نراقبه علي المدي البعيد بيتنفذ ولا لأ.
متظاهر أمام ماسبيرو
*مش أولي الفلوس إللي بتتصرف علي المنشآت إللي أتلفتها أيدي البلطجية تتصرف علي أجور أو تطوير البلد.
محاسب
*البابا شنودة أبونا وقائدنا الروحي, لكن حياتنا السياسية إحنا إللي نقررها ونطالب فيها بحقوقنا.
متظاهرة أمام ماسبيرو
*عندي بنتين خائفة يخرجوا حتي لكلياتهم…مين يضمن لي حمايتهما؟
سيدة بالقليوبية
*لو هيبة الشرطة رجعت تاني البلطجية والحرامية هايفكروا ألف مرة قبل ما يخطفوا البنات ويروعوا المواطنين ويثيروا الفتن وغيرها.
موظف علي المعاش
*مصر طول عمرها دولة مدنية مش دينية.
عضو مؤسس بحزب تحت التأسيس
*كل المتهمين في قضايا كسب غير مشروع لازم يتعاملوا زي الحرامية العاديين.
رئيس تحرير وكالة أخبار
*الأطباء لهم حق يتظاهروا أو يضربوا عن العمل ما هو كله علشانا.
والدة أحد المرضي بمستشفي عام
*نحس إزاي بالأمان والمساجين احترفوا الهروب من السجون وأقسام الشرطة…والضحايا المواطنين؟!
إعلامية
*في التليفزيون يقولوا أزمة السولار اتحلت…والحقيقة الناس قدام محطات البنزين بالمئات…لابد من حل عاجل أحسن الحاجات دي مش هاينفع معاها مظاهرات بس…دي هاتبقيمدعكة.
سائق تاكسي
*أقف طابور طويل وأول ما أوصل يقولوا البنزين خلص يعني نعمل مظاهرات تاني؟!
سائق ميكروباص
*فيه مواطنين بتخزن عندها بنزين من الخوف مايلاقوش تاني وده ييزيد الأزمة صعوبة.
صاحب بنزينة
*الديموقراطية فعل مش كلام.
شاب عضو جديد بحزب