الشعب المصري.. مهموم بالأحداث.. أو غافل عنها.. لكنه الشارع المصري
* حرب اللافتات بتاعة الانتخابات في الشوارع مخلية العشوائيات أكثر عشوائية.
مصور صحفي
* أنا بعد ما شفت مسلسل الجماعة حبيت الإخوان… الله يسامحك يا وحيد يا حامد.
محاسب
* إحنا مش ملاحقين علي المسلسلات.
ربة منزل
* هل المخ البشري يقدر يستوعب كم المسلسلات دي كلها ولا ينقي 15 مسلسل من 100 عشان يقدر عليهم!!.
صيدلاني
* لأ وكمية البرامج الهايفة خد عندك ويقولك أصلها تسلية وكأن أحداث البلد وقفت ومفيش متابعة ليها.
سكرتير بشركة خاصة
* الجزائريين مازالوا بيضحكوا علي المصريين!!.
مهندس
* * تعليقا علي مباراة الأهلي وشبيبة القبائل الجزائري الأحد الماضي.
* جو المصيف في رمضان رايق جدا وجميل وممتع جدا.
عائد من الإسكندرية
* لكن استغلال الأسعار في المصايف للركب وما فيش رقابة ويقولك كل سنة وأنت طيب ده الموسم بتاعنا.
مواطن آخر
* العيد جاي والمدارس جاية وارتفاع الأسعار مازال مستمر حد يعمل لنا جمعية ويدفعها لنا ويقبضها لنا.
موظف قطاع خاص
* هل الانتخابات هتمشي بسلام المرة دي ولا هانسمع عن قصص تزوير ونزاهة ومش نزاهة للانتخابات؟!.
صحفي
* لما الحكومة تفرض غرامات علينا أيوه هنقلل زراعة الرز, لكن من ناحية تانية هنستورد الباقي وكله تكاليف علي الدولة طب ليه كدة؟!.
مزارع أرز
* * تصويب: تري الدولة أنه بفرض غرامات علي مزارعي الأرز يكون هناك توفير لاستهلاك المياه التي تعد أهم من الأرز.