*عندما تدخل إلي أحد المحلات الموجود فيها,تجده كخلية النحل لا يستريح,يعمل ويلفت الإنتباه بأصواتفردالعجي وعمل الفطائر والبيتزا…إنه الفطاطري والذي يعتبر أحمد محمد واحدا أبناء هذه الفئة يعمل بهذه المهنة منذ حوالي18عاما بأحد المحلات بمحافظة القليوبية,له آراؤه واهتماماته تجاه أحوال البلدفهو جزء من مجتمعه وواحدا من الشارع المصري.
*باخد450 جنيها في الشهر وعندي 3أولاد,بالذمة دول يعملوا حاجة لأب وأم وأبناء؟!
*عندي 32سنة وطموحي أفتح محل بيتزا خاص بي,لكن ياتري ها قدر أحقق طموحي في يوم من الأيام بمرتبي ده.
*بتستخدم أحسن أنواع الدقيق طبعا,لكن طن الدقيق بقي غالي جدا,عشان كده الزباين بتقل لأن سعر الفطيرة والبتيزا بيغلي وده مش ذنبنا.
*وسعر اللحوم والمعلبات والخضروات اللي بنستخدمها في العجاين ارتفع طبعا وبالتالي أكيد السعر هيزيد…والله ما ذنبنا ياناس.
*باشتغل كل يوم من10صباحا إلي10مساء,مش معقول هاتفرج علي التليفزيون علي حاجة تغمني أي الأخبار كلها حوادث وحروب وزيادة أسعار و…..بعد 13ساعة شغل.
*بصراحة مأعرفش حد من الوزراء,لكن أعرف أخبار البلد علي السريع من حكاياتي مع أصدقائي والناس الله بتتكلم حوالينا.
*أنا أعرف طبق البيتزا والفطير,لكن طبق الأوزون ده مأعرفش عنه حاجة.
*الأسعار بتغلي كل ساعة..ومافيش في إيد الناس حاجة غير إنها تسيبها علي ربنا…ونعم بالله.
*لو قابلت الريس هحكي له عن الحياة الصعبة اللي إحنا بنعيشها خصوصا في مناطقنا الشعبية دي.
*نفسي زي أي حد في سني إني أعمل مشروع عشان مستقبل ولادي الصغيرين…وإن الدولة تساعدنا في تحقيق طموحنا ده ويبقي كتر خيرها.