الشعب المصري.. مهموم بالأحداث.. أو غافل عنها.. لكنه الشارع المصري
* مش بنشتري فراخ بلدي لأنها أغلي من البيضاء, ما بالك لما سعر الفراخ البيضاء يوصل 11 جنيه ونص, نشتري إيه؟
ربة منزل
* إحنا بنشتري هياكل الفراخ علي قدنا, طب بعد ما سعر الفراخ غلي.. حتي الهياكل مش هنقدر نشتريها.
سيدة أمام محل طيور
* إنتاج الفراخ أصلا قليل وسعرها بيجي لنا غالي.. مش بإيدينا.
صاحب محل طيور
* عاوزين نعرف تفسير لاستمرار أكوام القمامة قدام المدارس إللي بتجمع آلافات من الأطفال.. والآخر يقولوا صحتك أهم.
مدرسة
* كله إلا رغيف العيش.. إحنا عندنا استعداد ناكله حاف من غير غموس.. كله إلا ارتفاع سعره.
موظف
* طبعا سواق المترو بتاع حلوان غلط لما ساب الكابينة والتفت وراه, لكن فين لجنة التحقيق الفنية في الكشف عن سلامة مترو الأنفاق.. ياريت ده يتحقق في الاستئناف.
محامي
* لو فضلت الصحف تكتب سنين وسنين عن مجدي مهنا مش كفاية.. صحفي
* لو ماكانتش هويدا طه أخلي سبيلها ودفعت غرامة بس كنا هنصاب بالإحباط.
مراسل
* رغم كل القضايا والأحكام علي المتهمين بالتعذيب في أقسام الشرطة لكن كل يوم بنسمع عن قضايا جديدة.. طب إيه الحل؟
محاسب
* امتناع الأطباء عن العمل يوم 15 مارس, هيبقي كارثة طبعا إزاي نستغني عن الطبيب يوم واحد أو ساعة واحدة؟
طالب جامعي
* من سنة 1998 لحد السنة دي مافيش حاجة حقيقية فرحت المصريين غير الفوز في كرة القدم.
مذيعة