*الكورة فرحة ومنافسة…الله ينكدها علي إللي نكدوا علينا فرحتنا بالمنتخب الأسبوع إللي فات.
صاحب مقهي
**تعليقا علي أعمال العنف والشغب التي آثارها بعض الجزائريين عقب فوز المنتخب.
*الحاجة الوحيدة إللي بنجتمع عليها كلنا من غير طائفية ولا عنصرية هي الكورة عاوزين الحياة كلها كورة.
مدرس ألعاب
*مين معاه فلوس توصل لآلافات يحلل لنفسه ولمراته وعياله في أي وقت.
عامل في مصنع
**تعليقا علي ارتفاع أسعار التحليل الخاص بإنفلونزا الخنازير في المعامل الخاصة والمستشفيات.
*وإزاي هندفع آلافات في مكان مش متأكدين إن كان مضمون وسليم ولا لأ؟!!.
موظف قطاع عام
*لو أجلوا المدارس بالمرة لحد ما موجة الوباء دي تعدي يبقي عملوا فينا معروف.
ولي أمر بالقاهرة
*يأجلوا ما يأجلوش مش هنودي عيالنا المدارس من أول إجازة العيد.
ولي أمر بالقليوبية
*يعني العيد علي الأبواب وأسعار اللحمة محدش عارف يوقفها…نروح فين من جشع الجزارين.
موظف علي قد حاله
*أصل لو فيه رقابة علي أسعار اللحوم وأسعار الجزارين ما كانتش الأسعار وصلت للجنون ده.
زبون أمام محل جزارة
*الدبايحالماشيةبتجيلنا غالية يعني نبيعها رخيصة عشان نرضيكم؟!!.
جزار لأحد الزبائن
*كنا بنقول لو هنخطب يبقي الشبكة ودبلتين ومحبس..طب دلوقتي نجيب دبلة واحدة ونبدل فيها أنا والعروسة.
عريس راتبه 300جنيه في الشهر
*تعليقا علي ارتفاع أسعار الذهب.
*حلو طبعا إن المذنب يأخذ جزائه…لكن السكة الحديد بالذات مافيش فيها احتمال لأي خطأ لأن النتيجة أرواح ملايين.
محاسب