الشعب المصري… مهموم بالأحداث… أوغافل عنها… لكنه الشارع المصري
* مش عارفين إيه الفرق بين إنفلونزا الخنازير والتيفود.
طالبة من قرية البرادعة
بالقليوبية
* حجزوني في المستشفي أكثر من 24 ساعة لمجرد اشتباههم إني مصاب بإنفلونزا الخنازير وكنت بقعد بالساعات محدش بيسأل في.
صحفي
* في نفس المحافظة إللي زارها الوزير مدارس لا حول لها ولا قوة من عدم نظافة وانقطاع مياه لكن معلش أصل المدارس دي مازارهاش الوزير.
إعلامي
* حاسين إن إللي هيتصاب بالمرض هيترمي في المستشفيات الحكومية رمية الـ….. خصوصا مع زيادة عدد المصابين في شهر ديسمبر وربنا يستر.
موظفة
* محدش قالنا حاجة عن إنفلونزا الخنازير ونعمل إيه في المدارس.
تلميذة من أسيوط
* مش وزارة الاستثمار وعدت بتوفير كمامات للطلبة في المدارس أمال هي فين ومين يسأل علي المدارس المغمورة إللي محدش بيسمع عنها؟!!.
مذيع
* والله مش الخوف من المدارس بس إحنا كمان خايفين كل ما الشتاء يقرب.
عامل في مصنع
* الرخصة غالية جدا علينا… يعني نسرق عشان نرخص التوك توك؟!!.
سائق توك توك
* جاي من المنصورة عشان أرخص التوك توك… والمهندس وصل متأخر وقدمنا طابور طويل… يوفروا فرع لينا في المحافظات.
سائق آخر
* درست سبع سنين في الكلية وطلعت عيني عشان آخد من الآخر 19 جنيها بدل عدوي!!.
طبيب امتياز
*وهي العدوي بإنفلونزا الخنازير ولا الأمراض الثانية وإحنا بنعالج المرضي تساوي برضو بدل 19 جنيها … منين تقدير الطبيب ماديا واجتماعيا و…و…؟.
طبيب