الشعب المصري.. مهموم بالأحداث.. أو غافل عنها.. لكنه الشارع المصري
* مش معقول نبقي معاهم معاهم.. عليهم عليهم, لو كسبوا نقول رجالة ولو خسروا نطلع فيهم العبر.. الكورة يا غالب يا مغلوب طالما الفريق متدرب كويس.
فنان
** من التعليقات التي قيلت بعد عودة المنتخب من جنوب أفريقيا
* والله الحاجة الوحيدة إللي بتفرحنا هي الكورة.
صاحب مقهي
* التحرش الجنسي موجود من زمان لكن الناس والإعلام بدأوا يتكلموا عنه دلوقتي وده أول طريق لحل هذه القضية.
باحثة اجتماعية
* ممارسة الأنشطة الرياضية والثقافية ها تلهي الشباب وتطلع الطاقة إللي عندهم.. سمعانا يا دولة؟!.
إعلامي
* مدرس ودكتور يمارسوا الجنس مع التلامذة والمرضي بتوعهم.. خلو إيه للبلطجية!!.
مدرسة
* الكبت والبطالة سبب في وصولي للمرحلة دي.
مدمن مخدرات
* طبعا مافيش لأي حزب سواء وطني أو معارض حق في التدخل في تشكيل مجلس نقابتنا.
محامي
* ماركات عالمية بتتحط علي أكياس وسلع مجهولة الهوية وده طبعا في مصانع تحت السلم.. فين بقي جمعيات حماية المستهلك ووزارة التموين و…. و….؟!.
موظفة
* كان فين مهندسين الحي وأحنا بنبني.. استنوا لما نخلص البناء ويطلعوا قرارات هدم بيوتنا لمصلحة مين كل ده؟!.
مواطن من دار السلام
* الأماكن إللي ليها تراخيص للبناء.. الشقة فيها بأكثر من 2/1 مليون جنيه وغالية علينا, وأنا راجل مرتبي 380جنيه أعمل إيه بعد ما قرروا هدم بيتنا لأن مالوش ترخيص؟!.
مواطن آخر
* ليه فيه تطبيق انتقائي للقوانين.. يعني فيه أماكن عشوائية ومافيش فيها قرارات هدم للمباني غير المرخصة!!!.
مذيع