مريم رفعت:
الشعب المصري…مهموم بالأحداث…أو غافل عنها…لكنه الشارع المصري
*حوادث الطرق مشعاتقةأي حتة في مصر…محافظات علي مدن علي….وربنا يسترها علينا.
سائق تاكسي
*أصبح شئ مستفز الإعلانات إللي علي الفضائيات عن الأدوات المنزلية والأعشاب وغيرها,وكلها أو أغلبها شركات مضروبة…طب فين الرقابة!!.
سيدة أعمال
*ياريت يرخصوا التوك توك في كل المحافظات لتقليل المخاطر والجرايم إللي بتحصل بسببه.
محام
*بنلاحظ إن فيه اهتمام بمحافظة الجيزة في أخبار الشوارع أوتسليط القيود علي أي إهمال طب ومحافظة القليوبية وقعت من قعر القفةولا مالهاش نصيب زي غيرها.
مواطن من القليوبية
*علي ما بيحكموا في القضايا في بلدنا يكون الواحد نسي حتي اسم القضية…هو ليه كده صحيح!!.
محاسب
*أي حضارة في أي بلد بتبتدي بالنظافة يعني ده أضعف الإيمان…تعالوا وشوفوا المكان إللي ساكنين فيه الشوارع عاملة إزاي…فين بتوع البلدية والحي والنظافة!!.
موظفة من مدينة الخصوص
*هل الوقفات الاحتجاجية ليها مردود ولا هي مجرد تنفيث عن الضغط إللي فيه الناس!!.
إعلامي
*نشعر أن هناك توجها من القضاء المصري بعدم حبس الصحفيين في قضايا النشر.
كاتب صحفي
*ماتطلبوش من المدرس إنه يبذل قصاري جهده مع تلامذته والبلد مش بتدي له حقه…معلش.
مدرس بالقليوبية
*لو الغاز الطبيعي إتوفر في كل القاهرة الكبري…هتبقي بداية كويسة لتوزيعه بعد كده في المحافظات,وكمان تتوفر إسطوانات البوتاجاز للمحافظات لحد ما يوصلها الغاز.
مهندس