الشعب المصري… مهموم بالأحداث… أو غافل عنها… لكنه الشارع المصري.
* أراهن لو فيه تلميذ في مدرسة حكومية من إللي أبوابها ونوافذها مكسرين في حي عشوائي يعرف حاجة عن عيد الرياضيين إللي كان في 3مارس.
مدرس
* كان لازم نعترض علي الاستعانة بمخرجين من برة,لإننا جزء من التطوير إللي التليفزيون المصري هيشهده الفترة الجاية.
مخرج
* المهم بعد قرار إسناد برامج نشتغل فيها,ما يرجعوش في كلامهم بعد شهر ولا اتنين وإلا هنعتصم تاني.
مذيعة بالتليفزيون المصري
* إحنا المحافظة الوحيدة إللي فيها حضانة للعربيات (بتشديد الضاد) بياخدوا فيها عربياتنا عشان أقل غلطة مننا,يعملوا فينا أي حاجة زي فرض غرامة أو سحب الرخصة…إلا سحب العربية نفسها.
سائق سرفيس بالإسكندرية
* قرار إلغاء الرسوم القضائية منع خراب بيوت المحامين والمتقاضين ومنع بلطجة حقيقية كان هيشوفها الشارع المصري.
محام
* هنقعد في الشارع لحد أمتي؟,يحددوا لنا ميعاد وإحنا هنصبر…لكن إحنا هنموت من الرعب أحسن قعدتنا في الشارع تطول.
سيدة من الهرم
* * تعليقا علي قرار رئاسة حي الهرم بإخلاء بعض المنازل المتصدعة وتعرضها للانهيار.
* ليه الحكومة ما بترجعش عن بعض قراراتها إلا لما بيحصل ضغط علي الجهاز التنفيذي؟!.
إعلامي
* رغم احترامنا لحكم القضاء لكن عموما إحنا ضد تغريم بعض الصحفيين في قضية حظر النشر الخاصة بسوزان تميم,لأنها قضية رأي عام من حق الناس إنها تعرف تفاصيلها.
صحفي
* بياخدوا مننا 5جنيه علي فاتورة الكهرباء ومحدش بيجمع من بيوتنا القمامة…طب نشتكي لمين؟
مواطنة من القليوبية
* الزبالين بقوا بيعتبروا نفسهم مجرد موظفين تبع شركة الكهرباء…يتعبوا ليه في جمع القمامة طالما هيقبضوا آخر الشهر…حسبنا الله ونعم الوكيل.
مواطنة أخري