الشعب المصري… مهموم بالأحداث… أو غافل عنها… لكنه الشارع المصري.
* بعد سنة 2011 هنخلي عيالنا يبطلوا تعليم وينزلوا الشارع يشتغلوا بعد ما يسحبوا عربياتنا منا.
سائق تاكسي
* أقدم مبني في المدرسة ما فاتش عليه 40 سنة وإحنا مسئولين عن ولادنا.
ولي أمر تلميذ
** تعليقا علي قرار هدم مدرسة رمسيس للغات بشبرا.
* لمصلحة مين قرار هدم مدرسة في وسط العام الدراسي يعني في عز الدراسة!!.
ولي أمر آخر
* أحلي حاجة في موضوع أزمة نقابة الصيادلة مع مصلحة الضرائب, إن الصيادلة أعلنوا اعتراضهم بطريقة سلمية ومحترمة ومنظمة,وتفاوضوا أثناء الإضراب,وعشان كده نجحوا وحصلوا علي حقوقهم.
صيدلاني
* ماكناش سعداء بإللي حصل لكن كان لازم نحافظ علي حقوقنا وبمجرد تقديم اقتراحات للنقابة بطريقة مقنعة ومرضية وقفنا الاعتصام علي الفور..إحنا مش عاوزين إضراب وخلاص.
وكيل نقابة الصيادلة
* التجار ما بيصدقوا أي سبب عشان يستمروا في ارتفاع الأسعار بالرغم إن أزمة المقطورات-المسؤلة عن نقل البضائع والسلع الغذائية-اتحلت..فين الرقابة؟!!.
موظفة
* إحنا رضينا نفك الاعتصام عشان مصلحة البلد ومصلحتنا كمان..وقالولنا هتطلع دراسات ولو قالت إن المقطورات آمنة هانكمل بيها.
سائق مقطورة
* رجعنا شغلنا وهانكمل لحد يوم 2009/6/30..لو الحكومة ما استجابتش لمطالبنا وعملت لنا حلول هانرجع نعتصم تاني.
سائق مقطورة آخر
* يتهيألي عدد إللي راحوا في حوادث الطرق أكثر من إللي راحوا في الحرب!!ربنا يرحم.
دكتور
* من حق الصحفي الظهور في أية قناة مهما كانت هويتها طالما رأيه لا يسئ لبلده أو لشخصية بعينها.
صحفي
* سمعنا إن الشقق ها ترخص..لكن طبعا أصحاب العقارات هيقولوا إحنا كلفنا الشقق فلوس كتير بسبب غلو سعر الأسمنت والحديد فا هيبيعوها بسعر عالي وكأنها ما رخصتش..إيه الحل؟!.
باحثة عن شقة في القاهرة
* أهم حاجة في الدول المتقدمة هي توعية المواطنين بأهمية الضرائب,وفعلا الشعوب المتقدمة أهم شئ عندهم دفع الضرائب وإللي يتهرب يبقي مجرم في نظر نفسه والمجتمع.
محاسب قانوني