الشعب المصري…مهموم بالأحداث…أو غافل عنها…لكنه الشارع المصري
**الأجرة ياخوانا مكتوبة ورا,استعنا علي الشقا بالله,إللي مش عاجبه الأجرة ينزل وما يعطلناش,جمل وكلمات عديدة هي أدوات سائق الميكروباص بالإضافة إلي عربته,فهي مهنة تحتاج لصبر وطولة بال للتعامل مع الزبائن وتحتاج إلي متكلم فصيح قد يكون ملتزما بالآداب العامة أو قد يكون طليق اللسان من نوع آخر,فيجد في الشتائم طريقه للتعامل.
عم إبراهيم..سائق ميكروباص علي أحد خطوط القليوبية لكنه سائق من نوع خاص فهو متعلم ومثقف,حينما تحدثت معه وجدت ذلك-فله اراؤه ومشاكله وطموحاته يطرحها بوعي وثقافة لكنه يحلم مثل الكثير من الشارع المصري,فيقول…
* بأحب قراءة الجرايد اتعودت علي كده من زمان ولازم أعرف كل يوم بيحصل إيه في الدنيا.
* أصل أنا ماكملتش تعليمي في الجامعة خرجت من سنة ثانية لكن الحمد لله علي كل شئ.
* كان الأول سواقين النقل والميكروباصاتبصمجيةلكن دلوقتي كثير مننا معاه دبلوم وأحيانا معاهد.
* بصي إللي بيشتم ويستعمل الألفاظ المرفوضة بيخرج طاقة من جواه وكبت نتيجة قلة التعليم والوعي والتربية السليمة وأغلب أصحابهبلطجيةفيتعلم منين؟!.
* إحنا كسواقين بنحس دايما إن الحكومة بتبص لنا علي إننا مسجلين خطر والناس بتبقي مش طايقانا خصوصا لو الأجرة غليت.
* مش بنغلي الأجرة بمزاجنا..كل ما سعر البنزين يغلي لازم الأجرة تغلي.
* كان زمان أي زبون يركب لو محطتين ثلاثة عشان الأجرة رخيصة..لكن دلوقتي زبون الميكروباص إللي ما عندوش وسيلة ثانية هو إللي بيركب بس.
* مهنتنا مالهاش مميزات غير حاجة واحدة إن السواق مننا يحس إنه مدير نفسه ومحدشبيتمريسعليه هو ملك مهنته..لكن عيوب مهنتنا كثيرة لكن ها نعمل إيه ونشتغل إيه؟!.
* عمري ما أفكر إني أخلي إبني يطلع زيي أمال بعلمه وأصرف عليه ليه..عشان يبقي محترم وملوي هدومه.
* بالذمة لما بتوع مجلس الشعب يتكلموا بالجزمة أمال سواقين الميكروباص إللي زي حلاتنا يتكلموا بإيه؟!.
* ما بناخدش حاجة من المظاهرات غير تعطيل الطريق ووقف الحال.
* نفسي يكون عندنا حرية حقيقية ويبقي فيه حسن نية بينا إحنا الشعب وبين ضباط الشرطة.
* لو اتقابلت مع حد من المسئولين هقوله احذروا ياجماعة لأن الغلاءوحشهيخلي الشباب إللي طالع بدل ما يسعي لتكوين مستقبله يبقي حرامي ولا مجرم ولا…..يعني هأقولهمإلحقونا.