تجلس أمام سينما ريفولي بالقاهرة,لم أستطع معرفة نوع المنتجات التي تبيعها,فهي تبيع مجموعة غير متجانسة من السلع:مناديل,أربطة أحذية,أمشاط,مقصات,…لها آراؤها وهمومما وأوجاعها,أليست هي واحدة من الشارع المصري.
*مش ببيع مناديل بس عشان ما يحسبونيش من المتسولين.
*لأبياخدوني تحري بعضشي كده,غمي بعض الأحيان.
*عيالي قاسيين علي قوي لأن أباهم ماربهومش معايا أصله عيان ومع نفسه.
*خرجت بنتي الصغيرة من المدرسة,يعني إللي اتعلموا عملوا إيه.
*يعني إيه مجلسي الشعب والشوري ياستي خليكي مع الله أحسن.
*لو شفت الرايس هقوله الحاجة غليت قوي قوي والحال زي ما هو مافيش فلوس.
وهقوله كما عاوزة شقة بدل الأوضة وأجوز عيالي ويبقي كده الحمد لله.
*كنت بابيع هدوم ومفارش وعشان ما بعرفش أقرأ واكتب ضحكوا علي من الشكك وسنينه.
*بصي أنا باسمع عن عادل إمام لكن لو شفته في التليفريون مش هاعرفه ولا أعرف حد,أنا من الزعل بنام بعد الشغل علطول.
*شقتي عبارة عن أوضة وحمام مشترك,أهو الحمد لله علي كل شئ.
*أنا قدام السيما وعمري ما دخلتها ولا هدخلها في يوم من الأيام,هو أنا في إيه ولا إيه.
*باسمع إن الرايس اسمه مبارك,وصدقيني يابنتي ما عرف حد تاني.