* مش هانشتغل إلا لما يغيروا القيادات إللي كانت موجودة في النظام السابق.
طبيب
* عشان نشتغل بضمير.. لازم نحس بالتغيير.
طبيب آخر
* لما نلاقي اهتمام وتطوير من رؤسائنا, أكيد إحنا كمان هانشتغل بنفس وضمير.
ممرضة
* فاتورة الكهرباء بقت دبح!!
مواطن من عزبة النخل
* * تعليقا علي زيادة أسعار فاتورة الكهرباء
* هو حزب الوفد مع مين وإيه أهدافه؟!
عضو بحزب جديد
* لو اتكلمنا كلام إيجابي عن البلد حالها هاينصلح بدل الكلام السلبي.
موظفة علي المعاش
* يارب بلدنا تبقي مدنية متدينة متقدمة هادئة زي تركيا كده.
محاسب
* سعر الرز نزل عقبال باقي السلع.. وقالوا كمان أنبوبة الغاز هاترخص ياريت يراقبوا تجار التجزئة في المناطق والأحياء.
مواطن من القليوبية
* هما فعلا هايقفوا الدراسة لحد ما الانتخابات تخلص؟.. طب وبعدين ولادنا هايلحقوا يحصلوا المنهج في تيرم صغير إزاي؟!
ولي أمر ابتدائي
* ربنا يستر لحسن إللي سمعناه أن فيه زلزال يوم 26 سبتمبر يكون حقيقي.
ربة منزل
* الناس محتاجة تقرب لربنا بقلبها وتسيب الملك للي يستاهله وكل واحد يراعي ضميره.
سائق تاكسي
* الاعتراض إللي حصل علي بناء جدار للسفارة الإسرائيلية حق مشروع لكن الطريقة إللي اتبعها المتظاهرون مرفوضة بكل المقاييس طبعا.
باحث اجتماعي
* صدقوني فيه ناس ما تعرفش إيه إللي بيحصل خالص في البلد ما عندهومش أي فكرة.. وممكن الناس دي يستخدموهم في الانتخابات لصالح تيار معين.. إيه الحل؟
مدرس من حي شعبي