*هما إللي معترضين علي أن الدستور أولا معترضين ليه؟ وخايفين من إيه؟
عضو حزب جديد
*لحد دلوقتي مافيش حاجة رسمية تؤكد أن الحد الأدني للأجور 700 جنيه…فين التطبيق؟
موظف
*عشنا وشوفنا الزمن إللي فيه الشعب يساعد البوليس في أقسام الشرطة بدل الشرطة في خدمة الشعب.
سائق تاكسي
*الإضرابات والاعتصامات حق لكل مواطن.
عامل بمصنع ملابس
*تحريم التظاهر يعود بنا إلي ما قبل 25 يناير.
محام
*كنا مرعوبين من الفوضي إللي ممكن تحصل في امتحانات ولادنا لكن الحمد لله الجيش عمل إللي عليه.
ولي أمر ثانويةعامة
*علي فكرة الامتحانات مستواها متوسط وإللي مذاكر هايحل أي حاجة سهلة أو صعبة.
طالب ثانوية عامة
*أعضاء المجالس المحلية كانت ذراع النظام السابق ولازم يكون الحل إنها تتحل.
محام
فين المشروعات إللي قالوا عليها وإللي بيقولوا كل يوم عليها…مايبدأوا بقي ويخلو الشباب يتلهو في شغل جديد وأحلام جديدة…خلي البلد حالها يتعدل.
موظفي علي المعاش
*بيقولوا بعد رمضان مش هتلاقي أي خزين ناكل ولا فلوس, بجد الكلام ده؟!
موظفة
*أوعوا تقطعوا الكهرباء الصيف ده بالذات, البلطجية مش ناقصة تلاقي الطريق ممهدة ليها.
مواطن من المدن الجديدة
هما مش قالوا مافيش أحزاب هاتقوم علي أساس ديني؟!
باحث اجتماعي
*لازم يعاد النظر في الضريبة علي السكن…وإلا يبقي ارتفاع اسعار وقلة مرتبات وضرائب…يبقي سلم لي علي الرفاهية إللي كانوا بيقولوا هانعيشها بعد الثورة.
موظف في شركة خاصة