الشارع المصري ..مهموم بالأحداث..أو غافل عنها..لكنه الشارع المصري
*أغلب شبكات الصرف الصحي أهلية وبالمجهودات الذاتية,يعني الناس هايعملو إيه لوحدهم..
##عضو جمعية أهلية##
*اشتغل فين وبكام وهاصرف كام مواصلات وأكل واوفر كام ..سؤال بوجهه لوزارة القوي العاملة.
##خريجة كلية تجارة##
*لو علمنا ولادنا إيه هو الجنس..في وقت معين ها يطلبوا يجربوه حتي لو كان الوقت غير مناسب.
##إخصائية نفسية ##
*حوادث الطرق بقت بالكيلو وبقي أمر سهل علينا نسمع عن الحوادث بالذات في طريق الصعيد .
##صحفية ##
*سؤال واقف في ##زوري## ليه مابتسمعش عن حالات تلوث للمياه في أحياء ذي المهندسين و الزمالك و مصر الجديدة شمعنا إحنا..؟!!.
##مواطنة من الخصوص##
*عاوزين صناديق للقمامة بدل ماكل واحد معاه كيس يرميه في الشارع .
##مواطن من عزبة الهجانة##
*بقي موسم الصيف اسمه موسم الحرايق ولو كانوا بيستعدوا للصيف بالمصايف وغيره ,يستعدوا للحرايق بوسائل الأمان و المطافي .
##صاحب محل موبيليا##
*هانطلع السنة دي بحصيلة أمراض لا بأس بها إشي إنفلوانزا خنازير علي تيفود علي طاعون وربنا يستر من إللي جاي .
##صيدلي##
*ياسلام لو كيلو اللحمة بعشرين جنيه هانقدر ناكلها ولو مرتين في الشهر.
##عامل في محل ملابس##
*والله بدعي ليل نهار ربنا يكفيني شر دخول أي مستشفي حكومية عشان الإهمال وقلة خبرة الدكاترة وكمان عشان سرقة الأعضاء إللي بنسمع عنها .
##موظف##
*الدش والنت …..أهم سببين في التحرش الجنسي في المجتمع. ## مهندسة كمبيوتر##